APAN AQAO: 36
36
Eso Nho: Myid:zo: Qe
(1 Kho:kham mhomyi: 1.34-37)
1Cebam wa Edom ga: re: mhang" ra" Eso: nho: myid:zo: qe ngad: ako". 2Eso wa Khanan myiqe: ngad: ra" Hiti byu Elon nho: myiqe: zo: Ada we' Hivi byu Zibeon nho: yauggai zo: Ana nho: myiqe zo: Oholibama- 3Ishmae nho: myiqe: zo: Nebaiod nho: nhae: mo" Basemad bam re lo, xo' xo' yu: ra". 4Ada wa Elipha re khau byid: mung: Basemad wa Reue re khau byid' ra". 5Amung: Oholibama wa Yeu- Yalam we' Kora tao ho' re khau byid' ra". Ce: yauggai zo: qe alhab' wa Khanan mung" mae khau: ra" Eso nho: yauggai zo: qe ngad: ako".
6Ai: thao Eso wa yao" yham sang myhi" qere yao" yauggai zo: myiqe: zo: qe- yao" yham byu qe alhab'- yao" gug'nyhug' alhab'- Khanan mung" mae yao: na: qo" ra" jo,nho" alhab' re pyaung: mung: yao: nhaung: Yaku tau mae" gatau damung" khyo ye" lo" ra". 7Eso wa yao: we' Yaku na: ra" mug: wa yao: shid' tao na nae" maqui" loyang: aimae" thug' lo" ru ngad: ra". Yao: shid' tao wa gug'nyhug' myo: sho' qo" ru we' daga" za: maqo" zam" na loko" ngad: ra". 8Airumung: Eso wa Edom bam mug: khaung: mae na: ra".
9Cebam wa Edom byumyu" qenho: phug' pho" ngad: ra" Eso nho: myid:zo: qe ngad: ako". 10-13Eso nho: yham sang myhi" Ada wa yauggai zo: Elipha khau byid: mung: Elipha wa Teman- Omara- Zepho- Gatam Kena ga" ra" yauggai zo: ngo" yaug myhung: ra". Amung: yham sang myhi" gatau Timna yang Amaleg ga" ra" yauggai zo: dayaug khau byid' ra". Eso nho: yham sang myhi" Basemad wa yauggai zo: Reue re khau byid' ra".
Aimung: Reue wa Nahad- Zera- Shamma Mizza ga" ra" yauggai zo: byid yaug re myhung: ra".
14Eso nho: yham sang myhi" Oholibama wa Zibeon nho: yauggai zo:- Ana nho: myiqe: zo: ngad mung: yao: wa Yeu- Yalam- we' Kora ga" ra" yauggai zo: sam yaug re khau byid' ra".
15-16Cebam wa Eso mae" gyo" lo: ra" amyu" kaung qe ngad: ako". Eso nho: zoqhid' Elipha wa Teman- Omara- Zepho- Kena- Kora- Gatam- Amaleg kaung jham: nho: phug' pho" ngad: ra". Cebam alhab' wa Eso nho: yham sang myhi" Ada nho: myid:zo: qe ngad: ako".
17Eso nho: yauggai zo: Reue wa Nahad Zera- Shama- Mizza kaung jham: phug' pho" ngad: ra". Cebam alhab' mo, wa Eso nho: yham sang myhi" Basemad nho: myid:zo: qe ngad: ako".
18Yeu- Yalam- Kora bam wa Eso we' yao" yham sang myhi" Oholibama mae" gyo" lo: ra" byumyu" kaung qe ngad: ako". Oholibama wa Ana nho: myiqe: zo: ngad: ra". 19Ce: byumyu" akaung jham alhab' wa Eso mae" myhung: gyo" li" mo, ngad: ako".
Seira Nho: Myid:zo: Qe
(1 Kho:kham mhomyi: 1.38-42)
20-21Ai: thao Edom mung" mae" na kug' qe ngad: ra" Horid byu Seira nho: myid:zo: qe wa Lotan- Shoba- Zibeon- Ana- Dishon- Ezra- Dishan bam ngad: ako". Yao: bam yao" phug' pho" re cao" yang: byumyu" akaung jho" kho' lo" ako".
22Lotan wa Horid we' Heman amyu" kaung: nho: phug' pho" ngad: ra". (Lotan wa Timna ga: mang: ra" nhae: mo" dayaug qo" ra".)
23Shoba wa Alvan- Manahad- Eba- Shepho- Unam amyu" kaung qenho: phug' pho" ngad: ra".
24Zibeon wa Aia we' Ana ga" ra" yauggai zo: shid' yaug qo" ra".(Ce: Ana wa din"pyad' yo mae yao: pho" nho: loze jham re zaung" na: ra" au qid thug' qho: myao yaug ngad: ra".) 25-26Ana wa Dishon we' myiqe: zo: Oholibama tao: yao: pho" ngad mung:- Hemdan-Eshban-Idran byumyu" kaung: nho: phug' pho" ngad: ra".
27Ezra wa Bilhan- Akan amyu" kaung qenho: phug' pho" ngad: ra".
28Dishan wa Uza we' Aran amyu" kaung: qenho: phug' pho" ngad: ra".
29-30Lotan- Shoba- Zibeon- Ana- Dishon- Ezra- Dishan bam wa Edom mung" mae" Horid byumyu" qe ngad: ako".
Edom Kho:kham Qe
(1 Kho:kham mhomyi: 1.43-54)
31-39Israel kho:kham dayaug re: mana shire- omae mang bo: ra" kho:kham qe wa Edom mung" re dayaug: thao dayaug eib: ako". Aibam wa- Dinhaba vogaung: mae" Beo nho: yao: zo:
Baal- Beo vogaung: mae" Zera nho: yao: zo:
Yobab- Teman mung" mae"
Hushan Avid vogaung: mae"
Bedad nho: yao: zo: Hadara-( Yao: wa Moba mung" mae" Midian byu qere zin" aung: pye' yaug: ngad: ra".)
Masreka vogaung: mae" Samla- qid yae mae na: ra" Rehobod mae" Shau- Akhura nho: yao: zo: Baal- Hanan Ai: thao Pai vogaung: mae" Hadara- yao" yham sang myhi" wa Matred nho: myiqe: zo:- Mezahab nho: yao: myid: ngad: ra" Mehetabe ngad: ra".
40-43Eso wa Edom byumyu" Timna- Alva- Yethed- Oholibama- Ela- Pinon- Kena- Teman- Mibza- Magdie- Iram bam: phug' pho" ngad: ra". Ce: byumyu" qe wa yao: yao: na: ra" jo, qo mae cao" yang: mang qo" ako".
Currently Selected:
APAN AQAO: 36: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009