Yosua 14
14
Tana llan kalambunan Sa'dan Yordan ditawa
1Susi tee to tana Kanaan llan kalambunan Sa'dan Yordan ditawa-tawa lako to-Israel. Natawai imang Eleazar sola Yosua anakkana Nun sola tomatua-tua jio mai suku to-Israel. 2Nampake undi ntawai joo tana llan kalambunan Sa'dan Yordan to dipatujui lako kasera sitangnga suku to-Israel susi to mangka Napangparentan PUANG Allataala lako Nabi Musa.#Bilangan 26:52-56, 34:13 3-4Ia to tana jio kadellekan Sa'dan Yordan mangka jolomo naben Nabi Musa lako dua sitangnga suku to-Israel. Ia to bati'na Yusuf duang sukui, iamo to suku Manasye na suku Efraim. Ia to suku Lewi, te'da tana natawanni Nabi Musa la napumanah. Ia mandara dipatujuanni to kota la nanii torro sola tana la nanii patuoanna.#Bilangan 32:33, 34:14-15; Ulangan 3:12-17 5Susimi joo to to-Israel ntawai joo tana susi to mangka Napangparentan PUANG Allataala lako Nabi Musa.
Kota Hebron naputawa Kaleb
6Ia tonna jio kota Gilgal to to-Israel den ba'tu pira-pira tau jio mai suku Yehuda male mangngolo lako Yosua. Sala mesa'na iamo to Kaleb anakkana Yefune to-Kenas. Nakuamo Kaleb lako Yosua, “Taissen to apa mangka Napau PUANG Allataala lako Nabi Musa, tompangjaman PUANG Allataala, jio Kades-Barnea jiona kita' sola dua.#Bilangan 14:30 7Patang pulomi taunna umuru'ku' tonna suana' Nabi Musa jio Kades-Barnea ratu mmata-mataii tee kampong. Ia tongkupolemo kupau tonganni to apa kukita.#Bilangan 13:1-30 8Na ia to tokusolan male, kannori pole mpakalaja' to-Israel. Apa ia to aku' lantuk tongan penawangku' tatta' nturu' parenta-Na PUANG Allataala to tasompa. 9Iamo joo namassapah Nabi Musa nakua, ‘Ia to tana mangka mulingkai, iamo la mupumanah tarruh sola bati'mu, nasaba' lantuk tongan penawammu tatta' nturu' parenta-Na PUANG Allataala to tasompa.’#Bilangan 14:24 10Ia too patangpulomi lima taunna mangka Napau PUANG Allataala lako Musa susi joo, tonna male bangpa to to-Israel llingkai padang pallawangan. Pada toomi joo masainna nanii PUANG Allataala mparakai katuoanku' situru' janjin-Na lako aku'. Karuami pulona lima taunna umuru'ku' too, 11apa ia to kamaukuanku', padapa kamaukuanku' tonna suana' Nabi Musa tonna tee. Moi male parari ba'tu makkareso mawatang unapa'. 12Iamo joo, benmo' to padang membuntunna to mangka Najanjianna' PUANG Allataala. Na tasa'ding una joo wattu kumua, ia joo padang nanii torro to-Enak, simatonggo kotana namawatang tembo'na. Dennaa upa' Natulungna' PUANG Allataala, kuwa'ding nnula'ii joo tau susi to mangka Napau PUANG Allataala.”
13Nabarakka'imi Yosua to Kaleb, anakkana Yefune, namane' mbenni to kota Hebron napumanahhi. 14Ia joo kota da'tan napumanah Kaleb anakkana Yefune, to-Kenas, ratu lako too allo, nasaba' lantuk tongan penawanna nturu' parenta-Na PUANG Allataala, to nasompa to-Israel. 15Ia to kota Hebron tonna tee disanga kota Kiryat-Arba. Ia to disanga Arba, iamo pangbaraninna to-Enak.
Ia joo wattu pajami to to-Israel massirari, na manyaman katuoanna.
Currently Selected:
Yosua 14: mvpAD
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.