YouVersion Logo
Search Icon

Ohuchaaka 26

26
Yisaka amenya mu Gerari
1Bulaanu enjala yeemao yaakwa mu syaalo, enjala yino yakabuhanaho neende eyaliwo mu ndaalo cha Abburahamu. Mani Yisaka naachia Gerari eyiri Abbimeleki, omutuki w'Abafilisiti. 2Omwaami yali n'amalire ohubonehera Yisaka n'amuboolere ati, “Otachia Misiri daawe; doong'a sa mu syaalo sino mani omenye yi njia ohuhuboolera. 3#Huc 22:16-18.Menya ano mani njia ohuba naawe haandi njia ohuhuba ehabi. Njia ohuhuberesa eeloba lino libe elyao neende ely'abeechuhulu bao. Njia ohwiichulisa esichubo si ndahola neende Abburahamu lataao. 4Njia ohuhuberesa abeechuhulu, mani bachia ohwiingiya babe koti eng'ining'ini cho muukulu, mani njia ohubaberesa esyaalo sino syoosi. Ebyaalo byoosi bichia ohuusaba biberese ehabi koti lu njia ohuba nindaberesa abeechuhulu bao. 5Njia ohuhuberesa ehabi, olwohuba Abburahamu yaambulira mani yaliinda amalako neende ebilagiro byaange.”
6Mani Yisaka n'amenya mu Gerari. 7#Huc 12:13; 20:2.Nae abaandu nibamuteeba ebidiira hu muhasi wae, yababoolera ati, mboochoong'ene niye. Haba siyanyala ohufukiirira ati muhasi wae niye daawe, olwohuba yali n'atiire ati abaandu banyala ohumwiita mani baayira Rebbeka, olwohuba yali n'aboneha bulai muno. 8Olwoola, Yisaka niyali n'amalire ohumenya mu syaalo esyo embaka ndeeyi hooho, Abbimeleki omutuki w'Abafilisiti yatingaala niyeemere aambi neende edirisa lyae mani yaboona Yisaka n'ali alala neende Rebbeka koti omusaacha neende omuhasi. 9Abbimeleki yalaanga Yisaka mani yaamuboolera ati, “Bona, oyo muhasi wao niye! Lwasiina oboola oti mboochoo niye?”
Yakobolamo n'aboola ati, “Ese ndamanya endi bachia ohuunjita nimboola endi muhasi waange niye.” 10Abbimeleki yaboola ati, “Otuholere siina syeene sino? Omuundu wuundi yahakonere neende omuhasi wao mani yahatukwiisireho omusaango.” 11Mani Abemeleki n'alagira abaandu boosi n'aboola ati, “Oyo yeesi olidiira hu musaacha wuno oba hu muhasi wae achia ohwiitwa.”
12Mani Yisaka n'ataaka ebyohulya mu syaalo esyo, omwaaka kweene okwo niyeeta emere muno. Omwaami yamuba ehabi, 13naaba omuyiinda, mani emyaandu kyae kyemeeda ohwoola lu yaba omuyiinda muno. 14Yisaka naaba neende ebyaayo neende amakoondi maangi muno, mani Abafilisiti nibamudiirira muno ehiinda. 15(Bulaanu Abafilisiti bali beekalao esulo chi bahalaabani b'Abburahamu laatang'ene bali bayaba mu ndaalo cha Abburahamu laatang'ene; nibeechusa mu esulo chino eloba.) 16Mani Abbimeleki n'aboolera Yisaka ati, “Tula mu syaalo syeefwe mani oweo; olwohuba mbao weholere omuyiinda ohutuhira fweesi.”
17Yisaka yatula eyo yacha yamenya mu hooho lya Gerari. 18Yisaka haandi n'ayaba esulo ch'amaachi chi bali bayaba mu ndaalo cha Abburahamu laatang'ene. Olwohuba Abafilisiti bali nibeekala esulo chino Abburahamu n'amalire ohufwa. Yisaka haandi yachikuliha ameeta ka laatang'ene yali niyachiberesa. 19Nae abahalaabani ba Yisaka nibayaba ehooho banyoolayo esulo yisooha amaachi, 20abaayi ba Gerari basoolana neende abaayi ba Yisaka nibaboola bati, “Amaachi kano keefwe.” Mani Yisaka n'alaanga esulo eyo ati: “Busoolo”, olwohuba bayiinganira nae ao. 21Abahalaabani ba Yisaka haandi nibayaba esulo yiindi, haandi eyo yosi nibayisoolaaniraho; mani Yisaka n'ayilaanga ati: “Sitina” amahuluundu mbwe: “Obusuku.” 22Yisaka haandi n'atula ao n'ayaba esulo yiindi, nae eyo haba sibayisolaaniraho mani n'ayilaanga ati, “Rehobbooti” n'aboola ati, “Olwohuba Omwaami bulaanu yaarubeerese obweyaango, njia ohwiingiya mu syaalo sino.”
23Yisaka n'atula ao mani n'achia Bberisebba. 24Omwaami yabonehera Yisaka esiro syeene esyo n'amuboleera ati, “Niise Nasaae wa Abburahamu laatao; mani otatya, olwohuba njia ohuba naawe, njia ohuhuberesa ehabi haandi njia ohwiingiya abeechuhulu bao hulwa omuhalaabani waange Abburahamu.” 25Mani Yisaka niyoombaha ao alutaari, n'alaanga eliita ly'Omwaami, mani n'achomeha eyeema lyae ao. Mani abahalaabani ba Yisaka nibayaaba ao esulo.
Endagaano akatikaati wa Yisaka neende Abbimeleki
26 # Huc 21:22. Abbimeleki alala neende Ahusaati omukeraki wae neende Fikoli ohulira amaye kae batula Gerari baachia eyiri Yisaka. 27Yisaka n'abateeba ati, “Lwasiina mwiicha yi ndi, mumanyire bulai bweene muti haba simundaha haandi mwaanjirusa ohutula mu syaalo syaange?” 28Bakobolamo nibaboola bati, “Hubona bulai bweene huti Omwaami ali naawe; sakira huboola huti, leha abeo esichubo akatikaati wao neende efwe, leha huhole endagaano naawe yiti, 29haba soochia ohutuholaho esyonoono syoosi, koti sa efwe haba sihuhudiirireho mani hwahuholaho esiindu syoosi ohutusaho ebilai byoong'ene, hwahuleha waawao neende omuleembe. Bulaanu Omwaami mbao ahubereese ehabi.” 30Yisaka n'abaholera Esidyaalo, mani baang'wa haandi baalya. 31Nibwahya, basiingira echuli-chuli, baahola endagaano nibeechuba abeene-na-beene; mani Yisaka yaabaseebula bawao, nibakabuhana mu muleembe. 32Hu ludaalo lweene olwo, abahalaabani ba Yisaka nibamuboolera ebidiira hu sulo chi bali nibayabire bati, “Hunyoolere amaachi.” 33Mani n'ayilaanga ati “Sibba;” sakira esiko esyo silaangwa siti Bberisebba ohwoola buti.
Abahasi bateende b'Esau
34Esau niyoosa emyaaka amahumi kane eky'obuhuluundu, n'adeehya abahasi Bahiiti babiri, Yudita omuhaana wa Bberi, neende Bbasimaati omuhaana wa Eloni. 35Mani bomisira Yisaka neende Rebbeka obulamu.

Currently Selected:

Ohuchaaka 26: SAMDC

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy