YouVersion Logo
Search Icon

Psalmyn 99

99
PSAL. 99.
Dominus regnavit.
1She yn Chiarn y Ree, lhig da’n pobble girree magh myr sailliu:
t’eh ny hoie eddyr ny cherubimyn ga dy vel y seihll cha anveagh.
2S’mooar ta’n Chiarn ayns Sion:
as ard er-skyn dy-chooilley phobble.
3Ver ad booise da dt’Ennym’s:
ta mooar, yindyssagh, as casherick.
4Ta pooar y ree graihagh er briwnys; t’ow er hoiaghey seose cairys:
t’ow er chooilleeney briwnys as ynrickys ayns Jacob.
5O cur-jee ard-voylley da’n Chiarn y Jee ain:
as tuitt-jee sheese er nyn ghlioonyn kiongoyrt rish stoyl e choshey, son t’eshyn casherick.
6Moses as Aaron mastey e haggyrtyn, as Samuel mâroosyn ta geamagh er e Ennym:
deïe ad shoh er y Chiarn, as cheayll eh ad.
7Loayr eh roo ass y phillar vodjallagh:
son dreill ad e recortyssyn, as y leigh v’eh er choyrt daue.
8Cheayll oo ad, O Hiarn nyn Yee:
leih oo daue, O Yee, as ren oo kerraghey ny obbraghyn fardalagh oc.
9O cur-jee ard-voylley da’n Chiarn yn Jee ain, as jean-jee eshyn y ooashlaghey er e chronk casherick:
son ta’n Chiarn yn Jee ain casherick.

Currently Selected:

Psalmyn 99: PS1765

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy