Psalmyn 97
97
PSAL. 97.
Dominus regnavit.
1Ta’n Chiarn yn Ree, foddee’n seihll goaill boggey jeh:
dy-jarroo, foddee ny ymmodee ellanyn boggey ’ghoaill jeh.
2Ta bodjallyn as dorraghys cruinn mygeayrt-y-mysh:
ta cairys as briwnys coamrey e stoyl-reeoil.
3Hed aile magh roïsh:
as loshtee eh seose e noidyn er dy-chooilley cheu.
4Ren ny tendeilyn echey soilshey y choyrt da’n seihll:
honnick y thalloo shen, as ve agglit.
5Ren ny croink lheïe goll-rish kere ec fenish y Chiarn:
ec fenish Chiarn y slane seihll.
6Ta ny niaughyn er hoilshaghey e chairys:
as ta ooilley yn pobble er akin e ghloyr.
7Bee adsyn ooilley er nyn goyrt gys nearey ta cur ooashley da jallooyn granit, as ta goaill taitnys ayns Jee'ghyn fardalagh:
cur-jee ooashley dasyn, ooilley shiuish Yee'ghyn.
8Cheayll Sion jeh shoh, as ghow ee boggey:
as va inneenyn Yudah gennal, er graih dty vriwnyssyn, O Hiarn.
9Son t’ow uss, Hiarn, ny syrjey na adsyn ooilley t’er y thalloo:
t’ow er dty hoiaghey seose foddey er-skyn dy-chooilley Yee.
10O shiuish ta graihagh er y Chiarn, jeeagh-jee dy der shiu dwoaie da’n olk:
ta’n Chiarn coadey anmeenyn e nooghyn; nee eh ad y livrey veih laue ny mee-chrauee.
11Ta soilshey er n’irree son y vooinjer chairagh:
as gennallys gherjoilagh dauesyn ta dy chree firrinagh.
12Gow-jee boggey ayns y Chiarn, shiuish sleih ynrick:
as cur-jee booise ayns cooinaghtyn jeh e chasherickys.
Currently Selected:
Psalmyn 97: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society