Psalmyn 85
85
PSAL. 85.
Benedixisti, Domine.
1Hiarn, t’ow er jeet dy ve graysoil da dty heer:
t’ow er hyndaa ersooyl cappeeys Yacob.
2T’ow er leih mee-chraueeaght dty phobble:
as er goodaghey ooilley nyn beccaghyn.
3T’ow er choyrt voïd ooilley dty yymmoose:
as er hyndaa oo hene veih chiass dty chorree.
4Chyndaa shin reesht, O Yee nyn Saualtagh:
as lhig da dty chorree scuir voïn.
5Bee oo jymmoosagh rooin son dy-bragh:
as jean oo dty chorree y heeyney magh veih un heeloghe gys sheeloghe elley?
6Nagh jean oo chyndaa reesht, as shinyn y vioghey:
dy vod dty phobble boggey y ghoaill ayn-yd?
7Soilshee dooin dty vyghin, O Hiarn:
as giall dooin dty haualtys.
8Eaisht-ym cre jirr y Chiarn my mychione’s:
son nee eh shee y loayrt rish e phobble, as rish e nooghyn, nagh jyndaa ad reesht gys ommijys.
9Son ta e haualtys er-gerrey dauesyn ta goaill aggle roïsh:
dy vod gloyr tannaghtyn ayns y cheer ain.
10Ta myghin as firrinys er choyrt qualtys dy chielley:
ta cairys as shee er phaagey yn derrey yeh yn jeh elley.
11Nee firrinys blaaghey ass y thalloo:
as ta cairys er yeeaghyn neose veih niau.
12Dy-jarroo, nee yn Chiarn kenjallys-ghraihagh y hoilshaghey:
as ver y cheer ain magh e mess.
13Nee cairys goll roïshyn:
as e immeeaght y leeideil er y raad.
Currently Selected:
Psalmyn 85: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society