YouVersion Logo
Search Icon

Psalmyn 83

83
PSAL. 83.
Deus, quis similis?
1Ny jean dty hengey y chummal, O Yee, ny bee kinjagh dty-host:
ny freill dty chooney voïn, O Yee.
2Son cur-my-ner, ta dty noidyn baggyrt dy-ard:
as t’adsyn ta feoh oc orts er droggal seose nyn ghing.
3T’ad er ghoaill smooinaghtyn croutagh noi dty phobble:
as er chur nyn goyrle dy-cheïley noi dty chloan chasherick.
4T’ad er ghra, Tarr-jee, as lhig dooin ad y astyrt ass ny fraueyn, nagh bee ad arragh nyn pobble:
as nagh bee ennym Israel ny sodjey ayns cooinaghtyn.
5Son t’ad er chur nyn ghing cooidjagh lesh un aigney:
as er n’yannoo conaant cooidjagh dt’oï’s;
6Cabbaneyn ny Edomiteyn, as ny Ishmaeliteyn:
ny Moabiteyn, as ny Hagareneyn;
7Gebal, as Ammon, as Amalek:
ny Philistinee, marish cummaltee Tyre.
8Ta Assur neesht er hassoo lhieu:
as er chooney lesh cloan Lot.
9Agh jean uss roosyn myr rish ny Midianiteyn:
rish Sisera, as rish Jabin ec awin Kison;
10Va er nyn stroie ec Endor:
as haink dy ve myr eoylley er y thalloo.
11Jean uss adsyn as ny prinsyn oc goll-rish Oreb as Zeb:
dy-jarroo, jean ooilley ny prinsyn oc myr Zeba as Salmana;
12Ta gra, Lhig dooin goaill dooin hene:
thieyn Yee son spooilley.
13O my Yee, jean ad y yannoo goll-rish queeyll:
as myr y yiare choonlagh roish y gheay;
14’Naght myr ta’n aile lostey seose yn cheyll:
as myr ta’n lossey lommey ny sleïtyn.
15Eiyr ad er yn aght cheddin lesh dty ghoirrin:
as jean ad agglagh lesh dty sterrym.
16Jean yn eddin oc y choodaghey lesh nearey, O Hiarn:
dy vod ad shirrey dty Ennym.
17Lhig daue ve er nyn ghoyrt naardey as seaghnit dy-bragh ny smoo as ny smoo:
lhig daue ve er nyn ghoyrt gys nearey, as cherraghtyn.
18As bee fys oc, dy nee uss ta’n Ennym ayd Jehovah:
yn ynrycan Er smoo syrjey harrish ooilley yn seihll.

Currently Selected:

Psalmyn 83: PS1765

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy