Psalmyn 75
75
MORNING PRAYER.
PSAL. 75.
Confitebimur tibi.
1Dhyts, O Yee, ta shin cur booise:
dy-jarroo dhyts ta shin cur booise.
2Ta dt’Ennym myrgeddin cha faggys:
as shen ta dt’obbraghyn yindyssagh dy hoilshaghey.
3Tra hig chaglym cooidjagh y pobble reesht ayns m’enish:
nee’m briwnys cordail rish cairys.
4Ta’n seihll annoon, as ooilley e cummaltee:
mish ta gymmyrkey seose ny pillaryn eck.
5Dooyrt mee rish ny ommydanyn, Ny jean-jee cha keoi:
as rish y vooinjer vee-chrauee, Ny soie-jee seose nyn eairk;
6Ny soie-jee seose nyn eairk dy ard:
as ny loayr-jee lesh mwannal mooaralagh;
7Son cha vel stayd ard cheet veih’n niar, ny veih’n neear:
ny foast veih’n jiass.
8As cre’n-oyr? she Jee yn Briw:
t’eh cur sheese fer, as soiaghey seose fer elley.
9Son ayns laue yn Chiarn ta cappan, as ta’n feeyn jiarg:
te laane as seiyt, as t’eh deayrtey ass yn chooid cheddin.
10Er son y drundin echey:
nee ooilley mee-chrauee y theihll ad y iu, as y yiole ass.
11Agh loayr-yms jeh Jee Yacob:
as nee’m eh y voylley son dy-bragh.
12Ooilley eairkyn y vooinjer vee-chrauee myrgeddin nee’ms y vrishey:
as bee niart y vooinjer chairagh er ny hoiaghey seose.
Currently Selected:
Psalmyn 75: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society