YouVersion Logo
Search Icon

Psalmyn 65

65
EVENING PRAYER.
PSAL. 65.
Te decet hymnus.
1T’ow uss, O Yee, er ny voylley ayns Sion:
as dhyts vees y breearrey er ny chooilleeney ayns Jerusalem.
2Uss ta clashtyn y phadjer:
hoods nee dy-chooilley eill cheet.
3Ta my ghrogh-yannoo geddyn y varriaght orrym:
O bee uss myghinagh da nyn beccaghyn.
4Bannit ta’n dooinney t’ow uss dy reih, as dy ghoaill hood hene:
nee eh vaghey ayns dty choort, as bee eh jeant magh lesh eunyssyn dty hie, dy-jarroo dy dty hiamble casherick.
5Nee oo jeeaghyn dooin reddyn yindyssagh ayns dty chairys, O Yee nyn Saualtys:
uss ta sauchys ooilley khing y theihll, as dauesyn ta cummal er y faarkey lhean.
6Ta ayns e niart soiaghey ny sleïtyn dy-shickyr:
as t’er ny chomm'rey lesh pooar.
7Ta kuinaghey sterrym ny marrey:
as feiyr ny tonnyn echey, as mee-reilltys y pobble.
8Adsyn myrgeddin ta vaghey ayns ny ayrnyn sodjey magh jeh’n seihll, vees agglagh roish dty chowraghyn:
uss ta cur er immeeaght [coorse] y voghrey as yn astyr dy chur dhyt moylley.
9T’ow cheet dy yeeaghyn y thalloo, as dy vannaghey eh:
t’ow jannoo eh feer vessoil.
10Ta awin Yee laane dy ushtey:
t’ow cur er yn arroo oc bishaghey; son myr shoh t’ow kiarail son y seihll.
11T’ow gushtaghey ny creaghyn eck, t’ow cur fliaghey neose er ny coanyn beggey eck:
t’ow boggaghey ee lesh ny bineyn dy ’liaghey, as bannaghey yn mess eck.
12T’ow coamrey yn vleïn lesh dty vieys:
as ta dty vodjallyn shilley neose meeaylys.
13Nee ad shilley neose er cummallyn yn aasagh,
as gow-ee ny croink veggey boggey er dagh cheu.
14Bee ny bwoailchyn laane dy chirree:
nee ny coanyn myrgeddin shassoo cha chiu lesh arroo, dy jean ad gearey as goaill arrane.

Currently Selected:

Psalmyn 65: PS1765

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy