Psalmyn 61
61
PSAL. 61.
Exaudi, Deus.
1Clasht rish my eam, O Yee:
eaisht rish my phadjer.
2Veih khing y theihll nee’m geamagh ort:
tra ta my chree ayns trimshey.
3O soie mee seose er y chreg ta ny syrjey na mee:
son t’ow er ve my hreishteil, as toor lajer dooys noi yn noid.
4Nee’m cummal ayns dty chabbane-agglish son dy-bragh:
as bee my hreishteil fo scaa dty skainyn.
5Son t’ow uss, O Hiarn, er chlashtyn my yeearreeyn:
as er choyrt eiraght dauesyn ta goaill aggle roish dt’Ennym.
6Ver oo da’n Ree bea liauyr:
dy vod e vleeantyn farraghtyn trooid magh dy-chooilley heeloghe.
7Nee eh vaghey fenish Yee son dy-bragh:
O kiare dty vyghin ghraihagh as dt’irriney, dy vod ad eh y choadey.
8Myr shen goym dy-kinjagh arrane-moyllee gys dt’Ennym:
dy voddym gagh-laa my vreearaghyn y chooilleeney.
Currently Selected:
Psalmyn 61: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society