Psalmyn 59
59
EVENING PRAYER.
PSAL. 59.
Eripe me de inimicis.
1Livrey mee veih my noidyn, O Yee:
jean m'y endeil vowesyn ta girree-magh m’oï.
2O livrey mee veih ny drogh-yantee:
as saue mee veih ny deiney ta pa-agh lurg fuill.
3Son cur-my-ner, t’ad lhie farkiaght son my vioys:
ta ny deiney niartal er nyn jaglym m’oï, fegooish foill ny aggair erbee voyms, O Hiarn.
4T’ad roih as jannoo ad hene aarloo fegooish foill erbee ayn-yms:
trog ort er-y-fa shen dy chooney lhiam, as cur-my-ner.
5Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn:
as ny bee myghinagh dauesyn ta ass olkys goanlyssagh jannoo aggair.
6T’ad goll noon as noall ’syn astyr:
t’ad grindee myr moddey, as roih mygeayrt trooid yn ard-valley.
7Cur-my-ner, t’ad loayrt lesh nyn meeall, as ta cliwnyn ayns nyn meillyn:
son quoi ta clashtyn?
8Bee ad, O Hiarn, ayds ayns faghid:
as nee oo garaghtee er ooilley ny ashoonyn-quaagh gys craid.
9My niart goym rish dy nee voïds te:
son uss yn Jee dy my chemmyrk.
10Ta Jee jeeaghyn dou e vieys dy-palchey:
as lhiggee Jee dou my yeearree y akin er my noidyn.
11Ny marr ad, er aggle dy jarrood my phobble eh:
agh skeayll ad dy-lhean mastey’n pobble, as cur sheese ad, O Hiarn, nyn vendeilagh.
12Kyndagh rish peccah nyn meeall, as goan nyn meillyn, bee ad goit ayns y voyrn oc hene:
as cre’n-oyr? ta’n ghlare oc jeant jeh gweeaghyn as breagyn.
13Cur mow ad ayns dty chorree, cur mow ad, dy vod ad cherraghtyn:
as toiggal dy nee Jee ta reill ayns Jacob, as gys khing y theihll.
14As ayns yn astyr nee ad chyndaa reesht:
grindee myr moddey, as hed ad mygeayrt yn ard-valley.
15Roih-ee ad noon as noall son bee:
as gow-ee ad dy-olk rish mannagh bee ad jeant magh.
16Er my hon’s, goym arrane jeh dty phooar, as nee’m dty vyghin y voylley dy-leah ’sy voghrey:
son t’ow uss er ve my choadey as my chemmyrk ayns laa my heaghyn.
17Hoods, O my niart, goym arrane:
son t’ow uss, O Yee, my chemmyrk, as my Yee vyghinagh.
Currently Selected:
Psalmyn 59: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society