Psalmyn 57
57
PSAL. 57.
Miserere mei, Deus.
1Bee myghinagh dooys, O Yee, bee myghinagh dou, son ta m’annym treishteil ayn-yd:
as fo scaa dty skainyn vees my chemmyrk derrey vees y tranlaase shoh er n’gholl shiagh-ym.
2Nee’m geam gys y Jee smoo ard:
dy-jarroo gys y Jee nee yn chooish t’aym ayns laue y chooilleeney.
3Ver eh cooney hym veih niau:
as sauee eh mee veih’n scammylt echeysyn ballish mee y stroie.
4Ver Jee magh e vyghin as e ynrickys:
ta m’annym mastey lionyn.
5As ta mee my lhie dy-jarroo mastey cloan gheiney, ta soit er aile:
nyn veeacklyn t’ad shleïghyn as sideyn, as nyn jengey ny chliwe gyere.
6Soie oo hene seose, O Yee, er-skyn ny niaughyn:
as dty ghloyr er-skyn ooilley’n seihll.
7T’ad er hoiaghey lieen son my chassyn, as er hionney sheese m’annym:
t’ad er chleigh jeeg roym, as ad hene er duittym ayns y vean echey.
8Ta my chree soit, O Yee, ta my chree soit:
goym arrane, as ver-ym moylley.
9Dooisht seose, my ghloyr; dooisht lute as chlaasagh:
dooisht-yms mee hene feer voghey.
10Ver-ym booise dhyts, O Hiarn, mastey’n pobble:
as goym arrane hoods mastey ny ashoonyn;
11Son ta mooads dty vyghin roshtyn gys ny niaughyn:
as dt’irriney gys ny bodjallyn.
12Soie oo hene seose, O Yee, er-skyn ny niaughyn:
as dty ghloyr er-skyn ooilley yn seihll.
Currently Selected:
Psalmyn 57: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society