Psalmyn 47
47
EVENING PRAYER.
PSAL. 47.
Omnes gentes, plaudite.
1O bwoaill-jee nyn massyn cooidjagh, ooilley shiuish phobble:
O gow-jee arrane gys Jee lesh y choraa dy vingys.
2Son ta’n Chiarn ard, as aggle dy v’er ny ghoaill roïsh:
she eshyn y Ree mooar er fey-ny-cruinney.
3Ver eh sheese y pobble fo-in:
as ny ashoonyn fo nyn gassyn.
4Nee eshyn eiraght y reih magh nyn gour:
dy-jarroo ynnyd ooasle Yacob hug eh graih da.
5Ta Jee er gholl seose lesh kiaulleeaght ghennal:
as y Chiarn lesh fiyr y chayrn.
6O gow-jee arraneyn-moyllee, gow-jee arraneyn-moyllee gys y Jee ain:
O gow-jee arraneyn-moyllee, gow-jee arraneyn-moyllee gys nyn Ree.
7Son she Jee Ree’n theihll ooilley:
gow-jee arraneyn-moyllee lesh tushtey.
8Ta Jee reill harrish ny ashoonyn:
ta Jee ny hoie er e stoyl-reeoil chasherick.
9Ta prinsyn ny ashoonyn er lhiantyn gys pobble Yee Abraham:
son Jee, ta dy ard er ny hoiaghey seose, ta fendeil y seihll, myr dy beagh eh lesh eïlley-caggee.
Currently Selected:
Psalmyn 47: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society