Psalmyn 46
46
PSAL. 46.
Deus noster refugium.
1She Jee nyn dreishteil as niart:
cooney feer faggys ayns seaghyn.
2Shen-y-fa cha gow mayd aggle, ga dy beagh y seihll er ny chraa:
as ga dy beagh ny croink er nyn scughey ayns mean yn aarkey.
3Ga dy jinnagh ny ushtaghyn echey freaney as gatt; as ga dy jinnagh ny sleïtyn craa lesh dorrin y chooid cheddin.
4Nee ushtaghyn y thooilley echey ard-valley Yee y yannoo gennal:
ynnyd casherick cabbane-agglish yn Jee smoo ard.
5Ta Jee ayns y vean ec, shen-y-fa cha bee ee er ny scughey:
nee Jee cooney lh'ee, as shen dy feer voghey.
6Ta ny ashoonyn goaill lane bea orroo, as ta ny reeriaghtyn er nyn scughey:
agh ta Jee er hoilshaghey e choraa, as nee’n seihll lheïe ersooyl.
7Ta’n Chiarn dy heshaght-chaggee flaunys mârin:
she Jee Yacob yn chemmyrk ain.
8O tarr-jee ayns shoh, as jeeagh-jee er obbraghyn y Chiarn:
cre’n traartys t’eh er choyrt lesh er y theihll.
9T’eh cur er caggaghyn dy scuirr ayns ooilley yn seihll:
t’eh brishey yn bow, as giarey yn shleïy dy peeshyn, as lostey ny fainaghyn ’syn aile.
10Bee-jee feagh eisht, as toig-jee dy vel mish Jee:
bee’ms er my hoiaghey seose mastey ny ashoonyn, as bee’m er my hoiaghey seose er y thalloo.
11Ta’n Jee dy heshaght-chaggee flaunys mârin:
she Jee Yacob nyn gemmyrk.
Currently Selected:
Psalmyn 46: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society