Psalmyn 45
45
PSAL. 45.
Eructavit cor meum.
1Ta my chree smooinaghtyn er cooish vie:
ta mee loayrt rish y Ree ny reddyn ta mee er n’yannoo.
2Ta my hengey myr fedjag-screeuee:
yn scrudeyr tappee.
3T’ow ny s’aailey na cloan gheiney:
laane dy ghrayse ta dty veillyn, er-y-fa dy vel Jee er dty vannaghey son dy-bragh.
4Kiangle dty chliwe gys dty lheayst, O uss smoo niartal:
cordail rish dty ooashley as dty ghloyr.
5Ayïh mie dy row lhiat lesh dty ooashley:
markee er dty hoshiaght, er coontey yn goo dy firrinys, dy veenid, as dy chairys; as nee dty laue yesh reddyn atchimagh y ynsaghey dhyt.
6Ta dty hideyn feer virragh, as bee’n pobble er nyn injillaghey hoods:
dy-jarroo ayns y vean mastey noidyn y Ree.
7Ta dty stoyl, O Yee, farraghtyn son dy-bragh:
ta lorg-reill dty reeriaght lorg-reill chairagh.
8T’ow er choyrt graih da cairys, as feoh da mee-chairys:
shen-y-fa ta Jee, dy-jarroo yn Jee ayds, er dt’ooïllaghey lesh yn ooïll dy yennallys er-skyn dty heshaghyn.
9Ta ooilley dty gharmadyn soaral jeh myrrh, aloes, as cassia:
magh ass ny plaasyn ivory, lhieu t’ad er dty yannoo gennal.
10Va inneenyn reeaghyn mastey dty vraane ooasle:
er dty laue yesh hass y ven-reïn ayns coamrey d’airh, obbrit mygeayrt lesh caghlaaghyn daah.
11Clasht, O inneen, as smooinee, cromm dty chleaysh:
jarrood myrgeddin dty phobble hene, as thie dty ayrey.
12Myr shen bee taitnys ec y Ree ayns dty aalid:
son eshyn y Chiarn dty Yee, as cur uss ooashley da.
13As bee inneen Tyre ayns shen lesh gioot:
myr nee ny berchee myrgeddin mast’ yn pobble nyn aghinyn y yannoo kiongoyrt rhyt.
14Ta inneen y Ree ooilley gloyroil er cheu-sthie:
ta’n coamrey eck dy airh obbrit.
15Bee ee er ny choyrt lh'ee gys y Ree ayns garmad dy obbyr snaidey:
ny moidynyn ta e sheshaghyn, cummee ad sheshaght r'ee, as bee ad er nyn jebbal hoods.
16Lesh boggey as gennallys vees ad er nyn goyrt lhieu:
as hed ad stiagh ayns plaase y Ree.
17Ayns ynnyd dt’ayraghyn bee ayd cloan:
ad oddys oo y yannoo prinsyn ayns dy-chooilley cheer.
18Cooin-yms er dt’Ennym veih sheeloghe gys sheeloghe:
shen-y-fa ver y pobble booise dhyt, seihll gyn jerrey.
Currently Selected:
Psalmyn 45: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society