Psalmyn 42
42
PSAL. 42.
Quemadmodum.
1Myr ta’n feeaïh shirrey lurg ny strooanyn ushtey:
myr shen ta m’annym goaill foddeeaght dty yeih’s, O Yee.
2Ta m’annym pa-agh son Jee, eer son y Jee bio:
cooinn higgym dy hassoo kionfenish Yee?
3Ta my yheïr er ve my veaghey laa as oie:
choud as t’ad gagh-laa gra rhym, Cre vel nish dty Yee?
4Nish tra ta mee smooinaghtyn er shoh, ta mee deayrtey magh my chree rhym pene:
son hie mee marish y cheshaght, as hug mee lhiam adsyn mârym stiagh ayns thie Yee:
5Ayns y kiaulleeaght dy voylley as dy hoyrt-booise:
mastey ny lheid as ta freaylley laa feailley.
6Cre’n-fa t’ow cha laane dy hrimshey, O m’annym:
as cre’n-fa t’ow cha seaghnit cheu-sthie jee’m?
7Cur dty hreishteil ayns Jee:
son ver-yms foast booise da son cooney e eddin.
8My Yee, ta m’annym seaghnit cheu-sthie jee’m:
shen-y-fa nee’ms cooinaghtyn orts mychione thalloo Yordan, as cronk beg Hermon.
9Ta un tonn freggyrt gys tonn elley, liorish feiyr ny thooillaghyn ushtey:
ta ooilley ny tonnyn as sterrymyn ayds er gholl harrym.
10Ta’n Chiarn er choyrt e chenjallys-ghraihagh ’sy laa:
as ayns imbagh ny hoie ghow mish arrane jehsyn, as ren mee my phadjer gys y Jee jeh my vea.
11Jir-yms rish Jee my niart, Cre’n-fa t’ow er my yarrood:
kys ta mee myr shoh goll trimshagh, choud as ta’n noid jannoo tranlaase orrym?
12Ta my chraueyn er nyn scarrey veih my-chielley myr lesh cliwe:
choud as ta my noidyn ta dy my heaghney, ceau oltooanyn orrym;
13Ta shen, choud as t’ad dagh-laa gra rhym:
Cre vel nish yn Jee ayd?
14Cre’n-fa t’ow cha seaghnit, O m’annym:
as cre hon t’ow cha anveagh cheu-sthie jee’m?
15O cur dty hreishteil ayns Jee:
son ver-yms foast booise da, eh ta slaynt my eddin, as my Yee.
Currently Selected:
Psalmyn 42: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society