YouVersion Logo
Search Icon

Psalmyn 29

29
PSAL. 29.
Afferte Domino.
1Cur-jee lhieu gys y Chiarn, O shiuish ard-gheiney, cur-jee lhieu reaghyn aegey gys y Chiarn:
cur-jee lieh’n Chiarn ooashley as niart.
2Cur-jee da’n Chiarn yn onnor cooie da’n Ennym echey:
cur-jee ooashley da’n Chiarn lesh ammys crauee.
3She’n Chiarn ta saarey ny ushtaghyn:
yn Jee gloyroil ta jannoo yn taarnagh.
4She’n Chiarn ta reill y faarkey; ta coraa’n Chiarn niartal ayns bree:
ta coraa yn Chiarn coraa gloyroil.
5Ta coraa yn Chiarn brishey ny biljyn-cedar:
yn Chiarn, dy-feer, ta brishey cedaryn Libanus.
6T’eh cur orroo myrgeddin dy lheïmeragh myr lheiy:
Libanus neesht as Sirion myr unicorn aeg.
7Ta coraa yn Chiarn scoltey ny tendeïlyn dy aile; ta coraa yn Chiarn craa yn aasagh:
yn Chiarn, dy-feer, ta craa faasagh Chades.
8Ta coraa yn Chiarn cur er ny feaïee nyn lheiyee y hilgey, as roostey tammagyn chiu yn aasagh:
as ayns e hiamble ta dy-chooilley ghooinney loayrt jeh e ooashley.
9Ta’n Chiarn soie er-skyn ny thooillaghyn:
as ta’n Chiarn tannaghtyn ny Ree son dy bragh.
10Ver y Chiarn niart da e phobble:
ver y Chiarn da e phobble yn bannaght dy hee.

Currently Selected:

Psalmyn 29: PS1765

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy