YouVersion Logo
Search Icon

Psalmyn 2

2
PSAL. 2.
Quare fremuerunt gentes?
1Cre’n-fa ta ny ashoonyn cha eulyssagh (sonnaasagh) girree-magh lesh-y-chielley:
as cre hon ta’n sleih goaill red ommijagh ayns nyn ghione.
2Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n Fer-ooilit echey.
3Lhig dooin brishey ny kainlaghyn oc veih my-chielley:
as y whing oc y cheau ersooyl j'in.
4Eshyn ta vaghey ayns niau gharys orroo lesh craid:
bee ad ec y Chiarn ayns faghid.
5Eisht nee eh loayrt roo ayns e chorree:
as ver eh sneih orroo ayns trimmid e yymmoose.
6Agh ta mish er hoiaghey seose my Ree:
er Sion my chronk casherick.
7Nee’ms y leigh y phreacheil, my-y-chione ta’n Chiarn er ghra rhym:
Uss my Vac, jiu yn laa ta mee er dty gheddyn.
8Shirr orrym, as ver-ym dhyt ny ashoonyn son dty eiraght:
as ny ayrnyn sodjey magh jeh’n theihll fo dty rere.
9Nee uss ad y vroo lesh lorg-reill dy yiarn:
as brishey ad ayns peeshyn myr saagh craie.
10Gow-jee keeal nish er-y-fa shen, O shiuish reeaghyn:
gow-jee raaue, shiuish ta briwnyn y thallooin.
11Shirveish-jee yn Chiarn lesh aggle:
as gow-jee boggey ayn lesh arrym.
12Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair:
my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Currently Selected:

Psalmyn 2: PS1765

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy