Psalmyn 142
142
EVENING PRAYER.
PSAL. 142.
Voce mea ad Dominum.
1Hrogg mee seose my choraa gys y Chiarn:
dy-jarroo, gys y Chiarn ren mee my aghin.
2Gheayrt mee magh my accan kiongoyrt rish:
as hoilshee mee da my heaghyn.
3Tra va my spyrryd ayns trimshey, va sooill ayd er my chassan:
ayns y raad va mee shooyll t’ad dy-follit er hoiaghey ribbeh er my hon.
4Yeeagh mee myrgeddin er my laue yesh:
as honnick mee nagh row fer erbee yinnagh goaill rhym.
5Cha row ynnyd erbee aym dy chea huggey son sauchys:
as cha row dooinney erbee ren scansh jeh my vioys.
6Deïe mee hoods, O Hiarn, as dooyrt mee:
Uss my hreishteil as my eiraght ayns cheer y sleih bio.
7Cur geill da m’accan:
son dy-injil ta mee er duittym.
8O livrey mee veih my hranlaasee:
son t’ad ro lajer er my hon.
9Livrey m’annym ass pryssoon, dy voddym booise y choyrt da dt’Ennym:
as shoh my ver oo dou, eisht nee deiney crauee thaaghey my heshaght.
Currently Selected:
Psalmyn 142: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society