Psalmyn 141
141
PSAL. 141.
Domine, clamavi.
1Hiarn, ta mee geamagh ort, jean siyr hym:
as cur geill da my choraa, tra ta mee jannoo m’accan hood.
2Lhig da my phadjer v’er ny hebbal ayns dt’enish myr yn incense:
as lhig da troggal seose my laueyn ’ve myr oural yn astyr.
3Soie arrey, O Hiarn, roish my veeall:
as freill dorrys my veillyn.
4O ny lhig da my chree ve er ny loobey gys drogh obbyr erbee:
ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er aggle dy goym commee jeh ny t’ad goaill taitnys ayn.
5Ny-sleaie lhig da deiney mie m'y cherraghey ayns aigney mie:
as oghsan y choyrt dou.
6As bee shoh myr ooïll slayntoil, nagh brish my chione:
nee’m padjer foast y ghoaill noi’n olkys oc.
7Lhig da ny briwnyn oc cherraghtyn ayns ynnydyn claghagh:
dy vod ad clashtyn my ghoan, son t’ad millish.
8Ta ny craueyn ain ny lhie skeaylt er beeall yn oaie:
’naght myr ta fer brishey as scoltey feiyh er y thalloo.
9Agh ta my hooillyn jeeaghyn hoods, O Hiarn Yee:
ayn-yds ta my hreishteil, O ny jean m’annym y hreigeil.
10Freill mee veih’n ribbeh t’ad er hoiaghey er my hon:
as voish geulaghyn ny drogh-yantee.
11Lhig da ny mee-chrauee tuittym lesh-y-chielley ayns ny ribbaghyn oc hene:
as lhig dooys dy-bragh ad y haghney.
Currently Selected:
Psalmyn 141: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society