Psalmyn 140
140
PSAL. 140.
Eripe me, Domine.
1Livrey mee, O Hiarn, veih’n drogh ghooinney:
as freill mee veih’n dooinney dewil;
2Ta smooinaghtyn er olk ayns nyn greeaghyn:
as dy-kinjagh greesaghey seose anvea.
3T’ad er slhieu nyn jengaghyn myr ard-nieu:
ta pyshoon yn adder fo nyn meillyn.
4Freill mee, O Hiarn, veih laueyn ny mee-chrauee:
jean m'y choadey veih ny tranlaasee, ta kiarit dy my hilgey harrish ayns my raaidyn.
5Ta ny mooaralee er hoiaghey ribbeh er my hon, as er skeayley magh lieen dy-lhean lesh coyrdyn:
dy-jarroo t’ad er hoiaghey trappyn ayns my raad.
6Dooyrt mee rish y Chiarn, She uss my Yee:
eaisht rish coraa my phadjeryn, O Hiarn.
7O Hiarn Yee, uss niart my ’lhaynt:
t’ow er choodaghey my chione ayns laa yn chaggey.
8Ny lhig da’n dooinney mee-chrauee cooilleen-aigney ’gheddyn orrym, O Hiarn:
ny lhig da ny saaseyn aggairagh echey goaill toshiaght, nagh bee ad ro voyrnagh.
9Lhig da olkys nyn meillyn hene tuittym er y chione ocsyn:
ta dy my hionney stiagh er dy-chooilley cheu.
10Lhig da smaraagyn jiarg losht tuittym orroo:
lhig daue ve tilgit ayns yn aile, as ayns ny ooigyn dowiney, nagh nirree ad reesht dy-bragh.
11Cha jig y feanish foalsey er y hoshiaght er y thalloo:
nee olk yn dooinney tranlaasagh y helg gys e hoyrt-mow.
12Shickyr ta mee dy jean y Chiarn cooilleeney ’ghoaill ayns lieh’n voght:
as dy gum eh seose cooish yn ymmyrchagh.
13Ver y dooinney ynrick myrgeddin booise da dt’Ennym:
as nee’n er-cairagh tannaghtyn ayns dty hilley.
Currently Selected:
Psalmyn 140: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society