YouVersion Logo
Search Icon

Psalmyn 139

139
MORNING PRAYER.
PSAL. 139.
Domine, probâsti.
1O Hiarn, t’ow er my ronsaghey magh, as er my hoiggal:
shione dhyts my hoie-sheese, as my irree-seose; t’ow toiggal my smooinaghtyn foddey ro-laue.
2T’ow uss mygeayrt my chassan, as mygeayrt my lhiabbee:
as fakin ooilley my raaidyn.
3Son cur-my-ner, cha vel fockle er my hengey:
nagh vel uss, O Hiarn, dy-slane toiggal.
4T’ow uss er my chummey cheu-chooylloo, as cheu-veealloo:
as er choyrt dty laue orrym.
5Dy hoiggal shoh, te ro yindyssagh as ro ard er my hon:
cha voddym roshtyn huggey.
6C’raad eisht nee’m chea veih dty Spyrryd:
ny c’raad nee’m cosney veih dt’enish?
7My hem seose gys niau, t’ow ayns shen:
my hem sheese gys niurin, t’ow ayns shen myrgeddin.
8My ghoym skainyn y voghrey:
as tannaghtyn ayns ny ardjyn sodjey magh d’yn aarkey;
9Dy-jarroo ayns shen myrgeddin nee dty laue m'y leeideil:
as nee dty laue yesh m'y niartaghey.
10My jirr-ym, Foddee dy jean y dorraghys m'y choodaghey:
eisht bee m’oie er ny hyndaa gys soilshey yn laa.
11Dy-jarroo, cha vel y dorraghys dorraghey mârts, agh ta’n oie cha sollys as y laa:
ta’n dorraghys as y soilshey dhyts co-laik.
12Son lhiats my challin:
t’ow er my choodaghey ayns breïn my vayrey.
13Ver-ym booise dhyt, son ta mee dy-atchimagh as dy-yindyssagh er my chroo:
mirrillagh ta dt’obbraghyn, as s’mie ta m’annym’s dy hoiggal shen.
14Cha vel my chraueyn er ny cheiltyn voïds:
ga dy row mee jeant dy-follit, as er my chummey heese er y thalloo.
15Honnick dty hooillyn yn stoo ayms, tra ve foast gyn cummey:
as ayns dty lioar va ooilley my oltyn scruit;
16Va laa lurg laa er nyn gummey:
tra nagh row ad foast er jeet rish.
17O cre cha deyr ta dty choyrlyn dooys, O Yee:
O cre wheesh ta’n symm oc!
18My hem dy choontey ad, t’ad ny smoo ayns earroo n’yn gheinnagh:
tra ta mee doostey ass my chadley, ta mee ayns dt’enish.
19Nagh jean oo stroie ny drogh-yantee, O Yee:
immee-jee ass m’enish, shiuish gheiney foalley.
20Son t’ad loayrt dy-mee-chairagh dt’oï:
as ta dty noidyn goaill dt’Ennym ayns fardail.
21Nagh vel dwoaie aym orroosyn, O Hiarn, ta dwoaie oc orts:
as nagh vel mee corree roosyn ta girree magh dt’oï?
22Dy-jarroo ta slane dwoaie aym orroo:
myr dy beagh ad my eer noidyn.
23Prow mee, O Yee, as ronsee grunt my chree:
jean m'y hirrey magh, as feysht my smooinaghtyn.
24Jeeagh my ta mee ayns raad erbee dy olkys:
as leeid mee gys raad yn vea dy-bragh farraghtyn.

Currently Selected:

Psalmyn 139: PS1765

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy