Psalmyn 132
132
MORNING PRAYER.
PSAL. 132.
Memento, Domine.
1Hiarn, cooinee er David:
as ooilley e heaghyn.
2Kys ren eh breearrey gys y Chiarn:
as gialdyn casherick y yannoo da Jee Ooilley-niartal Yacob.
3Cha jig-yms fo clea my hie:
cha-moo hem seose gys my lhiabbee;
4Cha der-ym cadley da my hooillyn, ny saveenagh da ferrooghyn my hooill:
ny cuishlinyn my khing dy ghoaill veg y fea;
5Derrey yioym magh boayll son chiamble y Chiarn:
ynnyd-vaghee son Jee niartal Yacob.
6Cur-my-ner, cheayll shin jeh ec Ephrata:
as hooar shin eh ayns y cheyll.
7Hem mayd stiagh ayns y chabbane-agglish echeysyn:
as tuitt-ee mayd injil er nyn ghlioonyn kiongoyrt rish stoyl e choshey.
8Trogg ort, O Hiarn, gys ynnyd dt’ea:
uss, as arg dty niart.
9Lhig da dty haggyrtyn ’ve coamrit lesh cairys:
as lhig da dty nooghyn kiaulleeaght ’yannoo lesh boggey.
10Er graih dty harvaant Ghavid:
ny chyndaa ersooyl eddin dt’Er-ooïllit.
11Ta’n Chiarn er n’yannoo breearrey firrinagh da David:
as cha jed eh n’oï;
12Jeh mess dty chorp:
nee’ms soiaghey er dty stoyl-reeoil.
13My nee dty chloan freayll my chonaant as my recortyssyn nee’ms gynsaghey daue:
nee’n chloan ocsyn myrgeddin soie er dty stoyl-reeoil er son dy-bragh.
14Son ta’n Chiarn er ghoaill Sion myr reih dy ve ynnyd-vaghee da hene:
t’eh er ghoaill taitnys ayn-jee.
15Shoh’n raad vee’m ec fea son dy-bragh:
ayns shoh nee’m cummal, son ta mee goaill boggey ayn.
16Nee’m yn beaghey eck y vannaghey lesh bishagh:
as nee’m ny boghtyn eck y yannoo magh lesh arran.
17Ny saggyrtyn eck nee’m y chomm'rey lesh slaynt:
as gow-ee ny nooghyn eck boggey lesh arraneyn-moyllee.
18Shen y raad ver-ym er niart Ghavid dy vlaaghey:
ta mee er n’oardaghey londeyr son my Er-ooïllit.
19Er son e noidyn, nee’m adsyn y choodaghey lesh nearey:
agh er hene nee’n attey echey cur magh blaa.
Currently Selected:
Psalmyn 132: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society