Psalmyn 127
127
PSAL. 127.
Nisi Dominus.
1Mannagh vel y Chiarn troggal y thie:
ta’n obbyr oc ayns fardail ta dy hroggal eh.
2Mannagh vel y Chiarn freayll yn ard-valley:
ta’n arreyder dooisht ayns fardail.
3Cha vel eh agh obbyr callit dy vel shiu ayns siyr dy irree dy-moghey, as cha anmagh goaill fea, as gee yn arran dy imnea:
son shen myr t’eh coyrt cadley dauesyn shynney lesh.
4Cur-jee my-ner, cloan as mess y vrein:
t’ad eiraght as gioot ta cheet veih’n Chiarn.
5Myr ta ny sideyn ayns laue yn dooinney lajer:
eer myr shen ta’n chloan aegey.
6S’maynrey yn dooinney ta’n quhiver echey laane jeu:
cha bee nearey orroo tra t’ad coyrt eddin da nyn noidyn ayns y yiatt.
Currently Selected:
Psalmyn 127: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society