Psalmyn 124
124
PSAL. 124.
Nisi quia Dominus.
1Er-be dy row yn Chiarn hene er nyn lieh, foddee Israel nish gra:
er-be dy row yn Chiarn hene er nyn lieh, tra dirree sleih seose nyn ’oï;
2Veagh ad er nyn sluggey sheese bio:
tra v’ad cha eulyssagh ayns corree rooin.
3Veagh ny hushtaghyn, dy-feer, er vaih shin:
as veagh y thooilley er n’gholl harrish nyn annym.
4Veagh ushtaghyn dowin ny mooaralee:
er n’gholl eer harrish nyn anmeenyn.
5Agh moylley dy row gys y Chiarn:
nagh vel er livrey shin seose son spooilley da ny feeacklyn oc.
6Ta’n annym ain er scapail, dy-jarroo myr ushag ass ribbeh yn shelgeyr:
ta’n ribbeh er ny vrishey, as ta shin er nyn livrey.
7Ta’n cooney ainyn shassoo ayns Ennym y Chiarn:
ta er chroo niau as thalloo.
Currently Selected:
Psalmyn 124: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society