YouVersion Logo
Search Icon

Psalmyn 12

12
EVENING PRAYER.
PSAL. 12.
Salvum me fac.
1Cooin lhiam, Hiarn, son cha vel un dooinney crauee faagit:
son cha vel y vooinjer ynrick agh beggan mastey cloan gheiney.
2T’ad taggloo jeh fardail dagh unnane rish e naboo:
cha vel ad agh brynnyraght lesh nyn meillyn, as jannoo molteyrys ayns nyn gree dooble.
3Ver y Chiarn mow ooilley ny meillyn molteyragh:
as y chengey ta loayrt goan mooaralagh;
4Adsyn ta er ghra, Lesh nyn jengey yiow mayd barriaght:
shin hene lhisagh loayrt; quoi ta ny hiarn harrin?
5Nish er graih seaghyn vee-gherjoil ny ymmyrchee:
as er son osnaghyn trommey ny boghtyn;
6Trogg-ym orrym, ta’n Chiarn dy ghra:
as ver-ym feaysley da dagh unnane veihsyn ta gatt n’oï, as ver-ym eh gys fea.
7Ta goan y Chiarn goan glen:
dy-jarroo myr yn argid, ta er ny ghlenney veih’n ooir, as er ny lheïe shiaght keayrtyn ayns yn aile.
8Nee oo ad y reaylley, O Hiarn:
nee oo adsyn y choadey veih’n sheeloghe shoh son dy-bragh.
9Ta ny mee-chrauee gimmeeaght er dy-chooilley cheu:
tra t’adsyn er nyn soiaghey seose, ta cloan gheiney er nyn goyrt fo.

Currently Selected:

Psalmyn 12: PS1765

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy