Psalmyn 115
115
PSAL. 115.
Non nobis, Domine.
1Cha nee dooinyn, O Hiarn, cha nee dooinyn, agh da dt’Ennym cur yn moylley:
son dty vyghin ghraihagh, as er coontey dt’ynrickys.
2Cre’n-fa jirr ny ashoonyn-quaagh:
Cre’n raad ta nish yn Jee oc?
3Er son y Jee ainyn, t’eh ayns niau:
t’eh er n’yannoo myr s’gooidsave lesh.
4Ta ny jallooyn oc argid as airh:
eer obbyr laueyn deiney.
5Ta beïll oc as cha vel ad loayrt:
ta sooillyn oc as cha vel ad fakin.
6Ta cleayshyn oc as cha vel ad clashtyn:
ta stroanyn oc as cha vel ad soaral.
7Ta laueyn oc as cha vel ad loaghtey, cassyn t’oc as cha vel ad shooyll:
cha-moo t’ad loayrt trooid nyn scoarnagh.
8T’adsyn ta jannoo ad casley roo:
as myr shen t’adsyn ooilley ta cur nyn dreishteil ayndoo.
9Agh uss hie Israel, treisht uss ayns y Chiarn:
she eshyn nyn gemmyrk as nyn vendeil.
10Shiuish hie Aaron, cur-jee nyn dreishteil ayns y Chiarn:
eshyn y fer-coonee as y fendeilagh oc.
11Shiuish ta goaill aggle roish y Chiarn, cur-jee nyn dreishteil ayns y Chiarn:
eshyn y fer-coonee as y fendeilagh oc.
12Ta’n Chiarn er chooinaghtyn orrin, as bannee eh shin:
dy-jarroo nee eh thie Israel y vannaghey, nee eh bannaghey thie Aaron.
13Nee eh adsyn y vannaghey ta goaill aggle roish y Chiarn:
chammah beg as mooar.
14Nee’n Chiarn shiuish y vishaghey ny smoo as ny smoo:
shiuish as nyn gloan.
15Shiuish ta cloan bannit y Chiarn:
chroo niau as y thalloo.
16Ta ny slane niaughyn lesh y Chiarn:
yn thalloo t’eh er choyrt da cloan gheiney.
17Cha vel ny merriu coyrt moylley dhyts, O Hiarn:
ny adsyn ooilley ta goll sheese ayns yn oaie.
18Agh nee shinyn y Chiarn y voylley:
veih’n traa shoh magh son dy-bragh. Moylley-jee yn Chiarn.
Currently Selected:
Psalmyn 115: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society