Genesis 48
48
1 Chaidh Iòseph a dh’fhaicinn athar, agus e tinn. 15 Bheannaich Iàcob e fhèin agus a dhithis mhac, Ephraim agus Manaseh. 21 Ro‑innis e gun tilleadh iad a‑rìs gu Canàan.
1Agus an dèidh nan nithean sin, dh’innis neach do Iòseph, Feuch, tha d’athair tinn: agus thug e leis a dhà mhac, Manaseh agus Ephraim.
2Agus dh’innis neach do Iàcob, agus thubhairt e, Feuch, tha do mhac Iòseph a’ teachd ad ionnsaigh: agus neartaich Israel e fhèin, agus shuidh e air an leabaidh.
3Agus thubhairt Iàcob ri Iòseph, Dh’fhoillsich an Dia Uile‐chumhachdach e fhèin dhòmhsa aig Luds ann an tìr Chanàain#Gen 28:13‐19; 35:6, etc., agus bheannaich e mi,
4Agus thubhairt e rium, Feuch, nì mise sìolmhor agus lìonmhor thu, agus nì mi thu ad choitheanal chinneach, agus bheir mi am fearann seo dod shliochd ad dhèidh mar sheilbh shìorraidh#Gen 17:8; Deut 32:8; Amos 9:14, 15.
5Agus a‑nis do dhithis mhac, Ephraim agus Manaseh, a rugadh dhut ann an tìr na h‑Èiphit#Gen 41:50‐52, mun tàinig mise ad ionnsaigh don Èiphit, is leamsa iad: mar Reuben agus Shimeon, bidh iad leamsa.
6Agus bidh do shliochd, a ghineas tu nan dèidh, leat fhèin; a rèir ainm am bràithrean goirear iad nan seilbh fhèin.
7Agus air mo shon‐sa dheth, nuair a thàinig mi o Phadan, fhuair Rachel bàs agam ann an tìr Chanàain#Gen 35:16‐19, air an t‑slighe, nuair nach robh fhathast ach astar goirid ri teachd gu Ephrat: agus dh’adhlaic mi an sin i air an t‑slighe gu Ephrat; is e sin Betlehem.
8Agus chunnaic Israel mic Iòseiph, agus thubhairt e, Cò iad sin?
9Agus thubhairt Iòseph ra athair, Is iad mo mhic‐sa iad, a thug Dia dhomh an seo#Gen 33:5. Agus thubhairt e, Thoir am ionnsaigh iad, guidheam ort, agus beannaichidh mi iad#Gen 27:4; Eabh 11:21.
10Agus bha sùilean Israeil trom le aois, air chor is nach bu lèir dha gu math: agus thug e am fagas dha iad, agus phòg e iad, agus ghabh e na ghlacan iad.
11Agus thubhairt Israel ri Iòseph, Cha do shaoil mi gum faicinn do ghnùis#Gen 37:33, 35; 45:26, agus, feuch, nochd Dia dhomh mar an ceudna do shliochd#Eph 3:20.
12Agus thug Iòseph a‑mach iad o eadar a ghlùinean, agus chrom e e fhèin le a aghaidh gu làr#Ecs 20:12; Lebh 19:32.
13Agus ghabh Iòseph iad le chèile, Ephraim na làimh dheis o làimh chlì Israeil, agus Manaseh na làimh chlì o làimh dheis Israeil; agus thug e am fagas dha iad.
14Agus shìn Israel a‑mach a làmh dheas, agus chuir e i air ceann Ephraim, am mac a b’òige, agus a làmh chlì air ceann Mhanaseh: stiùir e a làmhan gu seòlta; oir b’e Manaseh an ciad‐ghin#Gen 48:19.
15Agus bheannaich e Iòseph, agus thubhairt e, Gun dèanadh Dia, an làthair an do ghluais m’athraichean, Abrahàm agus Isaac#Gen 17:1; 24:40, an Dia a bheathaich mi rè mo bheatha uile gus an là‑an‑diugh#Salm 103:4, 5,
16An t‑aingeal#Gen 31:11; Isa 63:9 a shaor mi o gach olc#Salm 34:22, na leinibh a bheannachadh, agus ainmichear m’ainm‐sa orra, agus ainm m’athraichean, Abrahàm agus Isaac: agus mar iasg na mara fàsadh iad lìonmhor ann am meadhon na talmhainn#Àir 26:34, 37.
17Agus nuair a chunnaic Iòseph gun do chuir a athair a làmh dheas air ceann Ephraim, cha do thaitinn e ris: agus chùm e suas làmh a athar, a‑chum a h‑atharrachadh o cheann Ephraim gu ceann Mhanaseh.
18Agus thubhairt Iòseph ra athair, Chan ann mar sin, athair: oir is e seo an ciad‐ghin; cuir do làmh dheas air a cheann.
19Agus dhiùlt a athair, agus thubhairt e, Tha fhios agam, a mhic, tha fhios agam; bidh esan cuideachd na shluagh, agus fàsaidh e mar an ceudna mòr: ach gu deimhinn bidh a bhràthair as òige#Gen 25:23 nas mò na e#Àir 1:33, 35; Deut 33:17, agus bidh a shliochd nam mòran#48:19 lànachd. chinneach.
20Agus bheannaich e iad air an là sin, ag ràdh, Annadsa beannaichidh Israel, ag ràdh, Gun dèanadh Dia thu mar Ephraim, agus mar Mhanaseh#Rut 4:11: agus chuir e Ephraim ro Mhanaseh,
21Agus thubhairt Israel ri Iòseph, Feuch, tha mise a’ faotainn a’ bhàis; ach bidh Dia maille ribhse, agus bheir e a‑rìs sibh gu dùthaich ur n‑athraichean#Gen 50:24; Ios 23:14.
22Agus thug mise dhut aon chuid‐roinne thar do bhràithrean#Ios 17:14 a bhuin mi a‑mach à làimh an Amoraich lem chlaidheamh agus lem bhogha.
Currently Selected:
Genesis 48: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017