Genesis 46
46
1 Thug Dia misneach agus sòlas do Iàcob aig Beer‐sèba. 5 O sin chaidh e fhèin agus a theaghlach don Èiphit. 29 Choinnich Iòseph e. 31 Sheòl e dha bhràithrean ciod a theireadh iad ri Phàraoh.
1Agus dh’imich Israel maille ris gach nì a bha aige, agus thàinig e gu Beer‐sèba#Gen 21:33; 28:10, agus thug e suas ìobairtean do Dhia a athar, Isaac#Gen 31:42, 53.
2Agus labhair Dia ri Israel ann an taisbeanan na h‑oidhche#Gen 15:1; Iob 32:15, agus thubhairt e, A Iàcoib, a Iàcoib#1 Sam 3:4, 10. Agus thubhairt esan, Tha mi an seo.
3Agus thubhairt e, Is mise Dia, Dia d’athar: na biodh eagal ort dol sìos don Èiphit; oir nì mise ad chinneach mòr thu an sin#Gen 12:2; Deut 22:5:
4Thèid mise maille riut sìos don Èiphit; agus bheir mi mar an ceudna gu cinnteach a‑nìos thu a‑rìs#Gen 15:16; 30:13, 25; Ecs 3:8: agus cuiridh Iòseph a làmh air do shùilean#Gen 50:1; Gnìo 7:15.
5Agus dh’èirich Iàcob suas o Bheer‐sèba: agus thug mic Israeil leo Iàcob an athair, agus an clann bheag, agus am mnathan, anns na carbadan a chuir Phàraoh ga ghiùlan#Gen 45:19, 27; Àir 18:29; Deut 32:14.
6Agus ghabh iad an sprèidh, agus am maoin, a fhuair iad ann an tìr Chanàain, agus thàinig iad don Èiphit, Iàcob agus a shliochd uile maille ris#Àir 20:15; Deut 26:5; Ios 24:4; Salm 106:23; Isa 52:4;
7A mhic, agus mic a mhac maille ris, a nigheanan, agus nigheanan a mhac, agus a shliochd uile thug e maille ris don Èiphit.
8Agus is iad seo ainmean chloinn Israeil, a thàinig don Èiphit, Iàcob agus a mhic#Ecs 1:1; 6:14: Reuben, ciad‐ghin Iàcoib.
9Agus mic Reubein; Hanoch, agus Phallu, agus Hesron, agus Carmi.
10Agus mic Shimeoin: Iemuel#46:10 no, Nemuel., agus Iamin, agus Ohad, agus Iachin#46:10 no, Iarib., agus Sohar#46:10 no, Serah., agus Saul mac ban‐Chanàanaich.
11Agus mic Lèbhi: Gerson, Cohat, agus Merari.
12Agus mic Iùdah: Er, agus Onan, agus Selah, agus Phareds, agus Serah: ach fhuair Er agus Onan bàs ann an tìr Chanàain#Gen 38:3, 7, 10. Agus b’iad mic Phareids, Hesron agus Hamul.
13Agus mic Isachair: Tola, agus Phubhah#46:13 no, Puah, agus Iasub., agus Iob, agus Simron.
14Agus mic Shebuluin: Sered, agus Elon, agus Iahleel.
15Is iad sin mic Lèah, a rug i do Iàcob ann am Padan‐àram, maille ra nighinn Dinah: b’iad uile anaman a mhac agus a nigheanan trì‐deug ar fhichead.
16Agus mic Ghaid; Siphion#46:16 no, Sephon, Àir 26:15., agus Hagai, Suni, agus Esbon#46:16 no, Osni., Heri, agus Arodi#46:16 no, Arod., agus Areli.
17Agus mic Aseir: Imnah, agus Isuah, agus Isui, agus Beriah, agus Serah am piuthar. Agus mic Bheriah: Heber agus Malchiel.
18Is iad sin mic Shilpah, a thug Làban da nighinn Lèah#Gen 29:24; agus rug i iad sin do Iàcob, eadhon sia‑anaman‐deug.
19Mic Racheil bean Iàcoib, Iòseph agus Beniàmin.
20Agus rugadh do Iòseph ann an tìr na h‑Èiphit, Manaseh agus Ephraim#Gen 41:50, a rug Asenat, nighean Photipherah, sagart Oin, dha.
21Agus b’iad mic Bheniàmin: Belah, agus Becher, agus Asbel, Gera, agus Nàaman, Ehi#46:21 Ahiram, Àir 26:38., agus Ros, Mupim#46:21 Supham, Àir 26:39; Supim, 1 Each 7:12., agus Hupim#46:21 Hupham, Àir 26:39., agus Ard.
22Is iad sin mic Racheil, a rugadh do Iàcob: na h‑anaman uile, ceithir‐deug.
23Agus mic Dhain: Husim#46:23 no, Suham, Àir 26:42..
24Agus mic Naphtali: Iahseel, agus Guni, agus Ieser, agus Sillem.
25Is iad sin mic Bhilhah, a thug Làban#Gen 29:29 da nighinn Rachel, a rug i do Iàcob: na h‑anaman uile, seachdnar.
26Na h‑anaman uile a thàinig le Iàcob don Èiphit, a thàinig a‑mach as a leasraidh, a thuilleadh air mnathan mic Iàcoib; b’iad na h‑anaman seo uile trì‐fichead is a sia;
27Agus mic Iòseiph a rugadh dha anns an Èiphit, bu dà anam iad: uile anaman taigh Iàcoib, a thàinig don Èiphit, bu trì‐fichead is a deich iad#Deut 10:22; Gnìo 7:14.
28Agus chuir e Iùdah roimhe gu Iòseph, a‑chum is gun tugadh e fios dha teachd na làthair ann an Gòsen#Gen 31:21; agus thàinig iad gu fearann Ghòsein#Gen 47:1.
29Agus bheartaich Iòseph a charbad, agus chaidh e suas an coinneamh Israeil, a athair, gu Gòsen; agus nochd e e fhèin dha, agus thuit e air a mhuineal, agus ghuil e air a mhuineal rè tamaill#Gen 45:14.
30Agus thubhairt Israel ri Iòseph, Faigheam‐sa a‑nis bàs, o chunnaic mi do ghnùis#Lùc 2:29, 30, do bhrìgh gu bheil thu fhathast beò.
31Agus thubhairt Iòseph ra bhràithrean, agus ri teaghlach a athar, Thèid mise suas, agus cuiridh mi an cèill do Phàraoh, agus their mi ris, Tha mo bhràithrean, agus teaghlach m’athar, a bha ann an tìr Chanàain, air teachd am ionnsaigh:
32Agus is buachaillean na daoine, oir bu luchd‐sprèidhe iad; agus thug iad leo an treudan, agus am feudail, agus gach nì a bha aca.
33Agus tàrlaidh, nuair a ghairmeas Phàraoh oirbh, agus a their e, Ciod as ceàird dhuibh?
34Gun abair sibhse, Bu luchd‐sprèidhe do sheirbhisich o ar n‑òige#Gen 30:35; 37:12 eadhon gus a‑nis, sinn fhèin agus mar an ceudna ar n‑athraichean; a‑chum is gun gabh sibh còmhnaidh ann am fearann Ghòsein, oir is gràinealachd do na h‑Èiphitich gach buachaille sprèidhe#Gen 43:32; Ecs 8:26.
Currently Selected:
Genesis 46: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017