Genesis 37
37
1 Dh’fhuathaicheadh Iòseph le a bhràithrean. 5 A dhà aisling. 18 Chuir a bhràithrean an comhairle ri chèile gus a mharbhadh; ach shaor Reuben e. 36 Reiceadh e ri Potiphar anns an Èiphit.
1Agus ghabh Iàcob còmhnaidh anns an tìr#Gen 17:8; 23:4; 28:4; 36:7 anns an robh a athair na choigreach#37:1 tìr cuairte athar., ann an tìr Chanàain.
2Is iad seo ginealaichean Iàcoib: nuair a bha Iòseph seachd‐bliadhna‑deug a dh’aois, bha e a’ buachailleachd an treuda maille ra bhràithrean, agus bha an t‑òganach maille ri mic Bhilhah, agus maille ri mic Shilpah, mnathan a athar; agus thug Iòseph an droch thuairisgeul‐san a dh’ionnsaigh a athar#1 Sam 2:22, 24; 1 Cor 1:11; 5:1; 11:18.
3Agus bu docha le Israel Iòseph na a mhic uile, a chionn gum b’e mac a sheann aois e#Gen 44:20: agus rinn e dha còta de iomadh#37:3 no, dh’iomadh mìr. dath#Bri 5:20; 2 Sam 13:18; Esec 16:16.
4Agus nuair a chunnaic a bhràithrean gum bu docha le a athair e na a bhràithrean uile, dh’fhuathaich iad e#Gen 49:23; Salm 38:19; 69:4; Tìt 3:3, agus cha b’urrainn iad labhairt ris gu sìochail.
5Agus chunnaic Iòseph aisling, agus dh’innis e da bhràithrean i, agus dh’fhuathaich iad e fhathast nas mò.
6Agus thubhairt e riu, Eisdibh, guidheam oirbh, ris an aisling seo a chunnaic mi:
7Oir, feuch, bha sinn a’ ceangal sguab anns an achadh, agus, feuch, dh’èirich mo sguab‐sa suas, agus sheas i gu dìreach; agus, feuch, sheas ur sguaban‐se mun cuairt oirre, agus rinn iad ùmhlachd#Gen 42:6, 9; 43:26; 44:14 dom sguaib‐sa.
8Agus thubhairt a bhràithrean ris, Am bi thusa gun amharas ad rìgh oirnne#Salm 118:22; Lùc 19:14, 27? Am bi agad da‑rìribh tighearnas oirnne? Agus dh’fhuathaich iad e fhathast nas mò airson a aislingean, agus airson a bhriathran.
9Agus chunnaic e fhathast aisling eile, agus dh’innis e da bhràithrean i, agus thubhairt e, Feuch, chunnaic mi aisling eile; agus, feuch, rinn a’ ghrian agus a’ ghealach, agus an aon‐reul‐deug, ùmhlachd dhomh#Gen 44:14; 46:29; 50:18.
10Agus dh’innis e da athair i, agus da bhràithrean: agus thug a athair achmhasan dha, agus thubhairt e ris, Ciod i an aisling seo a chunnaic thu? An e gun tig da‑rìribh mise, agus do mhàthair, agus do bhràithrean, a‑chum sinn fhèin a chromadh sìos dhutsa gu làr#Gen 27:29?
11Agus bha farmad aig a bhràithrean ris#Gnìo 7:9; ach thug a athair fa‑near a’ chainnt#Daniel 7:28; Lùc 2:19, 51.
12Agus chaidh a bhràithrean a dh’ionaltradh treud an athar do Shechem.
13Agus thubhairt Israel ri Iòseph. Nach eil do bhràithrean ag ionaltradh an treud ann an Sechem? Thig, agus cuiridh mi thu dan ionnsaigh#1 Sam 17:17; Lùc 20:13. Agus thubhairt e ris, Tha mise an seo.
14Agus thubhairt e ris, Imich, guidheam ort, faic a bheil do bhràithrean gu math#37:14 faic sìth do bhraithrean, etc., agus a bheil an treud gu math; agus thoir fios am ionnsaigh a‑rìs. Mar sin chuir e a‑mach e à gleann Hebroin#Gen 35:27, agus thàinig e gu Sechem.
15Agus fhuair duine àraidh e, agus, feuch, bha e air seachran anns a’ mhachair: agus dh’fheòraich an duine dheth ag ràdh, Ciod a tha thu ag iarraidh#Bri 4:22; 2 Rìgh 6:19?
16Agus thubhairt e, Tha mi ag iarraidh mo bhràithrean: innis dhomh, guidheam ort, càit a bheil iad ag ionaltradh an treud#Daniel 1:7.
17Agus thubhairt an duine, Dh’fhalbh iad à seo: oir chuala mi iad ag ràdh, Rachamaid gu Dòtan. Agus chaidh Iòseph an dèidh a bhràithrean, agus fhuair e iad ann an Dòtan#2 Rìgh 6:13.
18Agus nuair a chunnaic iad e fada uapa, eadhon mun tàinig e am fagas dhaibh, chuir iad an comhairle ri chèile na aghaidh#Salm 31:13; 37:12, 32; 94:21; Mat 21:38; 27:1; Eòin 11:53; Gnìo 23:12 gus a mharbhadh.
19Agus thubhairt iad ri chèile, Feuch, tha an t‑aislingiche#37:19 maighstir bhruadar. seo a’ teachd.
20Thigibh a‑nis matà, agus marbhamaid e#Gnà 1:11, 16; 27:4, agus tilgeamaid e ann an sloc‐eigin; agus their sinn, Chuir droch bhèist‐eigin as dha: agus chì sinn ciod gus an tig a aislingean.
21Agus chuala Reuben seo, agus shaor e as an làimh e, agus thubhairt e, Na cuireamaid gu bàs e.
22Agus thubhairt Reuben riu, Na dòirtibh fuil#Gen 42:22; tilgibh e anns an t‑sloc seo a tha anns an fhàsach, agus làmh na cuiribh air; a‑chum is gun saoradh e as an làimh e, agus gun aisigeadh e a‑rìs da athair e.
23Agus nuair a thàinig Iòseph a dh’ionnsaigh a bhràithrean, an sin bhuin iad de Iòseph a chòta#Mat 27:28, còta nan iomadh dath#37:23 iomadh mìr., a bha air#Gen 37:3.
24Agus ghabh iad e, agus thilg iad e ann an sloc#Salm 35:7; Tuir 4:20; agus bha an sloc falamh, gun uisge ann.
25Agus shuidh iad sìos a dh’ithe arain#Gnà 30:20; Amos 6:6; agus thog iad suas an sùilean agus dh’amhairc iad, agus, feuch, bha cuideachd de chloinn Ismaeil#Gen 37:28, 36 a’ teachd o Ghilead, len càmhail a’ giùlan spìosraidh, agus ìocshlaint#Ier 8:22, agus mirr, a’ dol gus an toirt sìos don Èiphit.
26Agus thubhairt Iùdah ra bhràithrean, Ciod an tairbhe a bhios ann dhuinne, ma mharbhas sinn ar bràthair, agus ma cheileas#Gen 4:10; Iob 16:18 sinn a fhuil?
27Thigibh, agus reiceamaid e ris na h‑Ismaelich, agus na cuireamaid làmh air#1 Sam 18:17; 2 Sam 12:9: oir is e ar bràthair e, agus ar feòil: agus dh’èisd a bhràithrean ris.
28An sin chaidh Midianaich seachad#Bri 6:3, ceannaichean; agus tharraing iad agus thog iad suas Iòseph as an t‑sloc, agus reic iad Iòseph ris na h‑Ismaelich#Salm 105:17; Sech 11:12; Mat 27:9; Gnìo 7:9 air fichead bonn airgid. Agus thug iadsan Iòseph don Èiphit.
29Agus thill Reuben a dh’ionnsaigh an t‑sluic; agus, feuch, cha robh Iòseph anns an t‑sloc: agus reub e a aodach#Àir 14:6; Bri 11:35; Iob 1:20; Ioel 2:13.
30Agus thill e a dh’ionnsaigh a bhràithrean, agus thubhairt e, Chan eil an leanabh ann#Gen 42:13, 36; Ier 31:15, agus, mise, càit an tèid mi?
31Agus ghabh iad còta Iòseiph#Gen 37:23, agus mharbh iad meann de na gobhair, agus thum iad an còta anns an fhuil.
32Agus chuir iad uapa còta nan iomadh dath, agus thug iad e a dh’ionnsaigh an athar; agus thubhairt iad, Fhuair sinne seo: aithnich a‑nis an e seo còta do mhic, no nach e.
33Agus dh’aithnich e e, agus thubhairt e, Còta mo mhic; chuir droch bhèist as dha#Gen 44:28: tha Iòseph gun teagamh air a reubadh as a chèile.
34Agus reub Iàcob a aodach, agus chuir e aodach‐saic air a leasraidh#2 Rìgh 19:1; Est 4:1; Isa 32:11; Ion 3:5, agus rinn e bròn airson a mhic rè mòran làithean.
35Agus dh’èirich a mhic uile agus a nigheanan uile suas, a thoirt sòlais dha#2 Sam 12:17; ach dhiùlt esan sòlas a ghabhail; agus thubhairt e, Oir thèid mi sìos don uaigh a‑chum mo mhic ri bròn. Mar seo rinn a athair caoidh air a shon.
36Agus reic na Midianaich e anns an Èiphit ri Potiphar, oifigeach le Phàraoh, ceannard an fhreiceadain.
Currently Selected:
Genesis 37: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017