Genesis 24
24
1 Chuir Abrahàm uaith a sheirbhiseach a dh’fhaotainn mnatha dha mhac Isaac. 50 Fhuair e Rebecah. 63 Choinnich Isaac i.
1Agus bha Abrahàm sean, agus air teachd gu aois mhòir#24:1 air dol an làithean., agus bheannaich an Tighearna Abrahàm anns na h‑uile nithean#Gen 24:35; Gen 13:2; Salm 112:1‐3.
2Agus thubhairt Abrahàm ra sheirbhiseach a bu shine na thaigh#Gen 15:2, aig an robh riaghladh gach nì a bha aige#Gen 24:10; Gen 39:5, Cuir, guidheam ort, do làmh fom shliasaid#Gen 47:29; 1 Each 29:24.
3Agus bheir mi ort mionnachadh air an Tighearna#Deut 6:13, Dia nèimh agus Dia na talmhainn, nach gabh thu bean dom mhac de nigheanan nan Canàanach, am measg a bheil mise am chòmhnaidh#Gen 6:2, etc.; Deut 7:3; 2 Cor 6:14:
4Ach thèid thu dom dhùthaich fhèin, agus a‑chum mo luchd‐dàimh, agus gabhaidh tu bean dom mhac Isaac.
5Agus thubhairt an seirbhiseach ris, Mas e is nach bi a’ bhean toileach air mise a leantainn don tìr seo, an èiginn dhomh do mhac a thoirt air ais a‑rìs don tìr as an tàinig thu?
6Agus thubhairt Abrahàm ris, Thoir an ro‑aire nach toir thu mo mhac an sin a‑rìs.
7An Tighearna, Dia nèimh#Esra 1:2; Daniel 2:44; Ion 1:9; Tais 11:13 a thug mise o thaigh m’athar#Gen 12:1, 7; 13:15; Deut 1:8; 34:4; Gnìo 7:5, agus o thìr mo dhìlsean, agus a labhair rium, agus a mhionnaich dhomh, ag ràdh, Dod shliochd bheir mi am fearann seo; cuiridh esan a aingeal fhèin romhad#Ecs 23:23; 33:2; Salm 34:7; Isa 63:9; Eabh 1:14, agus gabhaidh tu bean dom mhac as a sin.
8Agus mura bi a’ bhean toileach air thusa a leantainn, an sin bidh tu saor om mhionnan‐sa#Ios 2:17‐20: a‑mhàin na toir mo mhac an sin a‑rìs.
9Agus chuir an seirbhiseach a làmh fo shliasaid Abrahàim a mhaighistir, agus mhionnaich e dha a‑thaobh an nì sin.
10Agus ghabh an seirbhiseach deich càmhail de chàmhail a mhaighistir, agus dh’fhalbh e; oir#24:10 no, agus. bha maoin a mhaighistir uile aige fo a làimh: agus dh’èirich e, agus chaidh e gu Mesopotamia#Deut 23:4; Bri 3:8, 10; Gnìo 2:9, gu baile Nahoir#Gen 11:31.
11Agus thug e air na càmhail an glùn a lùbadh an taobh a‑muigh den bhaile, làimh ri tobar uisge, mu thràth feasgair, eadhon mun àm anns an tèid mnathan a‑mach a tharraing uisge.
12Agus thubhairt e, O Thighearna, Dhè mo mhaighistir Abrahàm#Gen 24:27; Gen 26:24; Ecs 3:6; Mat 22:32, deònaich gun soirbhich leamsa an‑diugh#Neh 1:11; Gnà 3:6, agus nochd coibhneas dom mhaighistir Abrahàm.
13Feuch, tha mi am sheasamh an seo làimh ris an tobar uisge#Gen 24:43, agus thig nigheanan muinntir a’ bhaile a‑mach a tharraing uisge;
14Agus tachradh e, a’ mhaighdeann ris an abair mise, Leig sìos, guidheam ort, do shoitheach, a‑chum is gun òl mi; agus their ise, Ol, agus bheir mise deoch dod chàmhail mar an ceudna: guma h‑i sin fhèin a dh’òrdaich thu dod sheirbhiseach Isaac; agus le sin bidh fhios agam gun do nochd thu coibhneas dom mhaighistir#Bri 6:17, 37; 2 Rìgh 20:9.
15Agus mun do sguir e de labhairt#Isa 65:24; Daniel 9:21, feuch, thàinig Rebecah a‑mach, a rugadh do Bhetuel, mac Mhilcah, bean Nahoir, bràthair Abrahàim; agus a soitheach air a gualainn.
16Agus bha a’ chailinn ro‑mhaiseach ri amharc oirre, òigh, agus cha b’aithne do fhear riamh i: agus chaidh i sìos don tobar, agus lìon i a soitheach, agus thàinig i a‑nìos.
17Agus ruith an seirbhiseach na coinneamh, agus thubhairt e, Leig dhomh, guidheam ort, beagan uisge òl as do shoitheach.
18Agus thubhairt i, Ol, mo thighearna: agus ghreas i oirre, agus leig i sìos a soitheach air a làimh, agus thug i dha deoch.
19Agus an dèidh dhi deoch a thoirt dha, thubhairt i, Tàirngidh mi uisge airson do chàmhal mar an ceudna, gus an sguir iad a dh’òl#1 Pead 4:9.
20Agus ghreas i oirre, agus dh’fhalmhaich i a soitheach anns an amar, agus ruith i a‑rìs don tobar a tharraing uisge; agus tharraing i airson a chàmhal uile.
21Agus bha an duine ag amharc le iongantas oirre#Lùc 2:19, 51, agus a’ fantainn na thosd, a dh’fheuchainn an tug, no nach tug, an Tighearna air a thuras soirbheachadh leis.
22Agus nuair a sguir na càmhail a dh’òl, an sin ghabh an duine cluas‐fhàinne òir#24:22 no, seud airson clàr an aodainn., anns an robh leth seceil de chudthrom, agus dà làmh‐fhail#Esec 16:11, 12; 1 Pead 3:3 airson a làmh, anns an robh deich seceil òir de chudthrom.
23Agus thubhairt e, Cò don nighean thu? Innis dhomh, guidheam ort; a bheil ann an taigh d’athar àite dhuinn gu tàmh a ghabhail ann?
24Agus thubhairt i ris, Is mise nighean Bhetueil, mac Mhilcah#Gen 22:23, a rug i do Nàhor.
25Thubhairt i ris mar an ceudna, Tha againn araon connlach agus innlinn gu leòr, agus àite gu tàmh a ghabhail ann.
26Agus chrom an duine e fhèin sìos, agus rinn e adhradh don Tighearna#Gen 24:52; Ecs 4:31; 34:8; Neh 8:6; Salm 95:6.
27Agus thubhairt e, Beannaichte gu robh an Tighearna, Dia mo mhaighistir Abrahàm#Ecs 18:10; Rut 4:14, nach do bhuin a thròcair agus a fhìrinn om mhaighistir#Gen 32:10; Salm 98:3; Lùc 1:68; air dhòmhsa a bhith anns an t‑slighe stiùir an Tighearna mi gu taigh bràithrean mo mhaighistir.
28Agus ruith a’ mhaighdeann, agus dh’innis i na nithean seo do mhuinntir taigh a màthar.
29Agus bha bràthair aig Rebecah dom b’ainm Làban#Gen 29:5: agus ruith Làban a dh’ionnsaigh an duine a‑mach a‑chum an tobair.
30Agus nuair a chunnaic e a’ chluas‐fhàinne, agus na làmh‐fhailean air làmhan a pheathar, agus nuair a chuala e briathran Rebecah a phiuthar, ag ràdh, Mar seo labhair an duine rium; an sin thàinig e a dh’ionnsaigh an duine, agus, feuch, sheas e làimh ris na càmhail aig an tobar.
31Agus thubhairt e, Thig a‑steach, thusa a tha beannaichte on Tighearna#Gen 26:29; Bri 17:2; Rut 3:10; Salm 115:15; cuime a sheasas tu a‑muigh? Oir dh’ullaich mise an taigh, agus àite do na càmhail.
32Agus thàinig an duine don taigh, agus dh’fhuasgail e na càmhail, agus thug e seachad connlach agus innlinn airson nan càmhal, agus uisge a dh’ionnlad a chas, agus casan nan daoine a bha maille ris.
33Agus chuireadh biadh air a bheulaibh gu ithe: ach thubhairt e, Chan ith mi, gus an innis mi mo ghnothach#Salm 132:3‐5; Eòin 4:34; Eph 6:5‐7. Agus thubhairt esan, Labhair romhad.
34Agus thubhairt e, Is mise seirbhiseach Abrahàim;
35Agus bheannaich an Tighearna mo mhaighistir gu mòr#Gen 24:1; Gen 12:2; 13:2; Gnà 10:22; 22:4, agus tha e air fàs cumhachdach#Salm 18:35: agus thug e dha caoraich, agus crodh, agus airgead, agus òr, agus òglaich, agus banoglaich, agus càmhail agus asail;
36Agus rug Sàrah, bean mo mhaighistir, mac dom mhaighistir na seann aois: agus thug e dhàsan gach nì a bha aige;
37Agus thug mo mhaighistir ormsa mo mhionnan a thoirt#Gen 24:3, ag ràdh, Cha ghabh thu bean dom mhac de nigheanan nan Canàanach, muinntir a tha mise a chòmhnaidh nam fearann:
38Ach thèid thu a dh’ionnsaigh taigh m’athar, agus a dh’ionnsaigh mo dhìlsean, agus gabhaidh tu bean dom mhac.
39Agus thubhairt mi rim mhaighistir, Theagamh nach lean a’ bhean mi:
40Agus thubhairt esan rium, Cuiridh an Tighearna, an làthair an do ghluais mise, a aingeal fhèin leat, agus soirbhichidh e do thuras; agus gabhaidh tu bean dom mhac om dhìlsean, agus o thaigh m’athar.
41An sin bidh tu saor om mhionnan‐sa, nuair a thig thu a‑chum mo dhìlsean; agus mura toir iad dhut bean, an sin bidh tu saor om mhionnan.
42Agus thàinig mi an‑diugh a‑chum an tobair, agus thubhairt mi, O Thighearna, Dhè mo mhaighistir Abrahàm, ma shoirbhicheas tu a‑nis mo thuras air a bheil mi ag imeachd#Gen 39:3; Esra 8:21; Neh 1:11; Salm 90:17; Ròm 1:10;
43Feuch, tha mi am sheasamh làimh ris an tobar uisge; agus nuair a thig a’ mhaighdeann a‑mach a tharraing uisge, agus a their mi rithe, Thoir dhomh, guidheam ort, beagan uisge ri òl as do shoitheach;
44Agus a their ise rium, Ol thu fhèin, agus tàirngidh mise mar an ceudna dod chàmhail: guma h‑i sin fhèin a’ bhean a dh’òrdaich an Tighearna do mhac mo mhaighistir#Gnà 19:14.
45Agus mun do sguir mi de labhairt am chridhe#1 Sam 1:13; Neh 2:4, feuch thàinig Rebecah a‑mach, agus a soitheach air a gualainn; agus chaidh i sìos don tobar, agus tharraing i uisge; agus thubhairt mi rithe, Thoir dhomh deoch, guidheam ort:
46Agus ghreas i oirre, agus leig i sìos a soitheach o a gualainn, agus thubhairt i, Ol, agus bheir mi deoch dod chàmhail mar an ceudna: agus dh’òl mi, agus thug i air na càmhail òl mar an ceudna.
47Agus dh’fhiosraich mi dhith, agus thubhairt mi, Cò don nighean thusa? Agus thubhairt ise, Is mi nighean Bhetueil, mac Nahoir, a rug Milcah dha. Agus chuir mi a’ chluas‐fhàinne air a h‑aghaidh, agus na làmh‐fhailean air a làmhan#Esec 16:10‐12.
48Agus chrom mi sìos mo cheann#Gen 24:26, agus rinn mi adhradh don Tighearna, agus bheannaich mi an Tighearna, Dia mo mhaighistir Abrahàm, a threòraich mi anns an t‑slighe cheirt#Salm 32:8; 48:14; 107:7; Gnà 3:6; Isa 48:17, a ghabhail nighean bràthair mo mhaighistir da mhac.
49Agus a‑nis, ma bhuineas sibh gu coibhneil#Gen 47:29; Ios 2:14 agus gu fìrinneach rim mhaighistir, innsibh dhomh; agus mura buin, innsibh dhomh; a‑chum is gun tionndaidh mi a dh’ionnsaigh na làimhe deise, no na làimhe clìthe.
50An sin fhreagair Làban agus Betuel, agus thubhairt iad, Is ann on Tighearna a thàinig an nì seo#Salm 118:23; chan urrainn sinne olc no math a ràdh riut#Gen 31:24; 2 Sam 13:22; Gnìo 11:17.
51Feuch, tha Rebecah ad làthair; gabh i, agus imich; agus biodh i na mnaoi aig mac do mhaighistir, mar a labhair an Tighearna.
52Agus nuair a chuala seirbhiseach Abrahàim am briathran, chrom e e fhèin gu làr don Tighearna#Gen 24:26, 48; Salm 95:6.
53Agus thug an seirbhiseach an làthair seudan#24:53 soithichean. airgid agus seudan òir#Ecs 3:22; 11:2; 12:35, agus aodach, agus thug e iad do Rebecah: thug e mar an ceudna nithean luachmhor da bràthair agus da màthair#Deut 33:13‐16; 2 Each 21:3; Esra 1:6.
54Agus dh’ith iad, agus dh’òl iad, e fhèin agus na daoine a bha maille ris, agus dh’fhan iad rè na h‑oidhche: agus dh’èirich iad anns a’ mhadainn; agus thubhairt esan, Cuiribh air falbh mi a dh’ionnsaigh mo mhaighistir.
55Agus thubhairt a bràthair agus a màthair, Fanadh a’ mhaighdeann maille rinn air a’ chuid as lugha deich làithean#24:55 no, bliadha iomlan; no, deich mìosan.; na dhèidh sin falbhaidh i.
56Agus thubhairt e riu, Na cuiribh moille orm#Gen 45:9, oir shoirbhich an Tighearna mo thuras#Ios 1:8; Isa 48:15: cuiribh air falbh mi, a‑chum gun tèid mi a dh’ionnsaigh mo mhaighistir.
57Agus thubhairt iad, Gairmidh sinn air a’ mhaighdinn, agus fiosraichidh sinn de a beul fhèin.
58Agus ghairm iad air Rebecah, agus thubhairt iad rithe, An tèid thu leis an duine seo#Salm 45:10? Agus thubhairt i, Thèid.
59Agus chuir iad air falbh Rebecah, am piuthar, agus a banaltram#Gen 35:8, agus seirbhiseach Abrahàim, agus a dhaoine.
60Agus bheannaich iad Rebecah#Gen 22:17; Rut 4:11, 12, agus thubhairt iad rithe, Is tu ar piuthar, bi‑sa ad mhàthair mhìltean de mhuilleanan; agus sealbhaicheadh do shliochd geata na muinntir sin leis am fuathach iad.
61Agus dh’èirich Rebecah, agus a maighdeannan, agus mharcaich iad air na càmhail, agus lean iad an duine: agus ghabh an seirbhiseach Rebecah, agus dh’fhalbh e roimhe.
62Agus bha Isaac a’ teachd o shlighe an tobair Lahai‐roi#Gen 16:14; 25:11; oir bha e a chòmhnaidh anns an tìr mu dheas.
63Agus chaidh Isaac a‑mach a bheachd‐smaoineachadh#24:63 no, a dh’ùrnaigh. anns an fhaiche#Ios 1:8; Salm 1:2; 77:12; 119:15; 143:5 air feasgar: agus thog e suas a shùilean, agus chunnaic e, agus, feuch, bha na càmhail a’ tighinn.
64Agus thog Rebecah suas a sùilean, agus nuair a chunnaic i Isaac, theirinn i bhàrr a’ chàmhail#Gnà 19:14.
65Agus thubhairt i ris an t‑seirbhiseach, Cò e an duine seo a tha a’ sràid‐imeachd anns an fhaiche gar coinneachadh? Agus thubhairt an seirbhiseach, Is e mo mhaighistir a tha ann: an sin ghabh i gnùis‐bhrat#1 Tim 2:9, agus chòmhdaich i i fhèin.
66Agus dh’innis an seirbhiseach do Isaac na h‑uile nithean a rinn e.
67Agus thug Isaac i do bhùth Shàrah#Gen 18:6 a mhàthair, agus ghabh e Rebecah, agus bha i aige na mnaoi: agus ghràdhaich e i: agus fhuair Isaac sòlas an dèidh bàs a mhàthar#Gen 38:12; 1 Tes 4:13.
Currently Selected:
Genesis 24: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017