Genesis 18
18
1 Tha Abram a’ toirt aoigheachd do thriùir ainglean. 17 Tha sgrios Shòdoim air fhoillseachadh dha. 23 Tha e a’ dèanamh eadar‐ghuidhe air a shon.
1Agus dh’fhoillsich an Tighearna e fhèin dha ann an còmhnard Mhamre#Gen 13:18; 14:13, agus e na shuidhe an doras a’ bhùtha ann an teas an là;
2Agus thog e suas a shùilean, agus dh’amhairc e, agus, feuch, bha triùir dhaoine a’ seasamh làimh ris#Gen 19:1: agus nuair a chunnaic e iad, ruith e nan coinneamh o dhoras a bhùtha, agus chrom e e fhèin gu làr.
3Agus thubhairt e, Mo thighearna, ma fhuair mi a‑nis deagh‐ghean ad shùilean, guidheam ort, na rach seachad air do sheirbhiseach#Eabh 13:2; 1 Pead 4:9;
4Thugar an seo, guidheam oirbh, beagan uisge#Gen 43:24, agus ionnlaidibh ur casan, agus leigibh ur n‑anail fon chraoibh;
5Agus bheir mise an seo greim arain, agus neartaichibh#18:5 socraichibh ur cridhe. ur cridhe: an dèidh sin imichidh sibh romhaibh: oir is ann uime sin a thàinig sibh a dh’ionnsaigh ur seirbhisich. Agus thubhairt iadsan, Dèan eadhon mar a thubhairt thu.
6Agus ghreas Abrahàm don bhùth a dh’ionnsaigh Shàrah, agus thubhairt e, Dèan cabhag, taoisinn trì miosaran de mhin fhlùir, agus dèan breacagan air lic an teintein.
7Agus ruith Abrahàm a dh’ionnsaigh a’ chruidh, agus ghabh e laogh maoth agus math, agus thug e do òganach e; agus rinn e deifir ga dheasachadh.
8Agus ghabh e ìm, agus bainne#Bri 5:25, agus an laogh a dheasaich e, agus chuir e air am beulaibh iad; agus sheas e làimh riu fon chraoibh, agus dh’ith iad.
9Agus thubhairt iad ris, Càit a bheil Sàrah do bhean? Agus thubhairt esan, Feuch, anns a’ bhùth.
10Agus thubhairt e, Gu cinnteach tillidh mi ad ionnsaigh#Gen 18:14; 2 Rìgh 4:16 a rèir àm na beatha, agus, feuch, bidh mac aig Sàrah do bhean#Gen 17:19, 21; Ròm 9:9; Gal 4:23. Agus chuala Sàrah sin ann an doras a’ bhùtha, a bha air a chùl.
11A‑nis bha Abrahàm agus Sàrah sean#Ròm 4:19; Eabh 11:11, 12, agus air dol air an aghaidh gu math ann an aois; agus sguir Sàrah de bhith a rèir dòigh nam ban#Gen 31:35.
12Uime sin rinn Sàrah gàire innte fhèin#Gen 21:6; Salm 126:2, ag ràdh, An dèidh dhòmhsa fàs aosda, am bi subhachas agam#Lùc 1:18, agus gu bheil mo thighearna#1 Pead 3:6 aosda mar an ceudna?
13Agus thubhairt an Tighearna ri Abrahàm, Carson a rinn Sàrah gàire, ag ràdh, An e gum beir mise gu cinnteach leanabh, agus mi aosmhor?
14A bheil nì air bith do‑dhèante#18:14 tuilleadh is cruaidh. don Tighearna#Àir 11:23; Ier 32:17; Mat 19:26? Anns an àm shuidhichte tillidh mi ad ionnsaigh, a rèir àm na beatha, agus bidh mac aig Sàrah.
15An sin dh’àich Sàrah, ag ràdh, Cha do rinn mi gàire; oir bha eagal oirre. Agus thubhairt esan, Chan eadh, oir rinn thu gàire#Salm 44:21; Gnà 12:19.
16Agus dh’èirich na daoine as a sin, agus dh’amhairc iad rathad Shòdoim: agus chaidh Abrahàm maille riu gan cur air an t‑slighe#Gnìo 15:3; Ròm 15:24; 3 Eòin 1:6.
17Agus thubhairt an Tighearna, An ceil mi air Abrahàm#Salm 25:14; Amos 3:7; Eòin 15:15 an nì sin a tha mi gus a dhèanamh;
18Agus gum fàs Abrahàm gu cinnteach na chinneach mòr agus cumhachdach, agus gum beannaichear annsan uile chinnich na talmhainn#Gen 12:3; 22:18?
19Oir is aithne dhomh e, gun toir e àithne da chloinn#Deut 4:9, 10; 6:7; Salm 78:5‐8; Eph 6:4 agus da theaghlach na dhèidh, agus gleidhidh iadsan slighe an Tighearna, a’ dèanamh ceartais agus breitheanais; a‑chum is gun toir an Tighearna air Abrahàm an nì sin a labhair e ma thimcheall#1 Sam 2:30.
20Agus thubhairt an Tighearna, Do bhrìgh gu bheil#Gen 13:13; 19:13 glaodh Shòdoim agus Ghomorrah mòr, agus do bhrìgh gu bheil am peacadh air antromachadh gu h‑anabarrach;
21Thèid mi sìos a‑nis#Gen 11:5; Ecs 3:8, agus chì mi ma rinn iad gu lèir a rèir a’ ghlaoidh, a thàinig am ionnsaigh; agus mura do rinn#Ios 22:22; Salm 139:1; Ier 17:10; Lùc 16:5, bidh fhios agam.
22Agus thionndaidh na daoine an aghaidh as a sin, agus ghabh iad an t‑slighe gu Sòdom: ach sheas Abrahàm fhathast an làthair an Tighearna.
23Agus thàinig Abrahàm am fagas#Ier 30:21; Eabh 10:22; Seum 5:17, agus thubhairt e, An sgrios thusa mar an ceudna an t‑ionracan maille ris an aingidh#Àir 16:21?
24Mas e is gu bheil leth‐cheud ionracan an taobh a‑staigh den bhaile, an sgrios thu mar an ceudna agus nach caomhain thu an t‑àit airson an leth‐cheud ionracan a tha ann?
25Guma fada e uatsa a dhèanamh air an dòigh seo, an t‑ionracan a mharbhadh maille ris an aingidh: ionnas gum bi an t‑ionracan mar an t‑aingidh, guma fada sin uatsa: nach dèan Britheamh na talmhainn uile ceartas#Iob 8:3; 34:17?
26Agus thubhairt an Tighearna, Ma gheibh mi ann an Sòdom leth‐cheud ionracan an taobh a‑staigh den bhaile, an sin caomhnaidh mi an t‑àit uile air an sgàth‐san#Isa 10:22; Ier 5:1; Esec 22:30.
27Agus fhreagair Abrahàm agus thubhairt e, Feuch a‑nis, ghabh mi orm fhèin labhairt rim Thighearna, agus gun annam ach duslach agus luaithre#Iob 4:19:
28Mas e is gum bi còignear a dh’uireasbhaidh air an leth‐cheud ionracan, an sgrios thu am baile uile airson easbhaidh chòignear? Agus thubhairt e, Cha sgrios mi e ma gheibh mi an sin còig agus dà‑fhichead.
29Agus labhair e ris a‑rìs, agus thubhairt e, Mas e is gum faighear an sin dà‑fhichead? Agus thubhairt e, Cha dèan mi e air sgàth dà‑fhichead.
30Agus thubhairt e ris, Och! na biodh fearg air mo Thighearna, agus labhraidh mi: Mas e is gum faighear an sin deich‐ar‑fhichead? Agus thubhart e, Cha dèan mi e, ma gheibh mi an sin deich‐ar‑fhichead.
31Agus thubhairt e, Feuch a‑nis ghabh mi orm fhèin labhairt rim Thighearna: Mas e is gum faighear fichead an sin? Agus thubhairt e, Cha sgrios mi e airson fichead.
32Agus thubhairt e, Och! na biodh fearg air mo Thighearna, agus labhraidh mi a‑mhàin an aon uair seo#Bri 6:39: Mas e is gum faighear deichnear an sin? Agus thubhairt e, Cha sgrios mi e air sgàth deichnear#Iob 33:23.
33Agus dh’imich an Tighearna roimhe, nuair a sguir e de labhairt ri Abrahàm: agus thill Abrahàm ga àite fhèin.
Currently Selected:
Genesis 18: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017