Mātiu 14
14
Ko e Pekia ‘a Sione Papitaiso
(Ma‘ake 6:14-29; Luke 9:7-9)
1ʻI he taimi ko iá, na‘e fanongo ‘a Hēlota, ko e pule ‘i Kāleli̇́, ki he ongoongo ‘o kau kia Si̇̄suú; 2peá ne talaange ki hʻene kau tamaioʻeiki̇́, ‟Ko Sione Papitaiso ʻeni kuo toetu‘u mei he maté. Ko e ʻuhinga ia ‘okú ne ma‘u ai ʻa e ivi fai mana ko eni̇́.”
3He naʻe feʻunga iá kuo ‘osi tuʻutuʻuni ‘e Hēlota ke puke ‘a Sione ‘o fakahū ki he fale pōpulá koeʻuhi̇̄ ko Helotiasi, ko e uaifi ʻo Filipe, ko hono tokouá. 4He na‘e talaange ʻe Sione Papitaiso kia Hēlota, ‟‘Oku ‘ikai totonu hoʻo mali mo Hēlotiasi̇́.”
5Peá neongo na‘e loto ‘a Hēlota ke tāmate‘i ‘a Sione, ka na‘á naʻe manavahē ki he kakai Siú, he na‘á nau tui ko e palōfita ‘a Sione.
6Pea hoko ʻa e ‘aho ‘o Hēlotá, pea tau‘olunga ai e tama fefine ‘a Hēlotiasi̇́ ‘i he lotolotonga ‘o e kau fakaafé. Pea na‘e fiefia lahi ai ‘a Hēlota; 7Ko ia naʻá ne fuakava ange ki he ta‘ahiné, ‟Te u ‘oatu ma‘au ha me‘a pē te ke kole mai.”
8Pea fakalotoʻi leva ia ‘e heʻene fa‘eé ke ne kole ange kia Hēlota, ‟‘Omai ʻa e ʻulu ‘o Sione Papitaisó ‘i ha laulau!”
9Pea toe fakatomala ʻa e Tuʻi̇́ heʻene tukupā mo e fuakava na‘e fai he lotolotonga ‘o e kau fakaafé, ka na‘á ne fekau pē ʻene kau tangatá; 10Ke nau ō ki he pilīsoné ‘o tuʻusi mai ʻa e ʻulu ‘o Sioné. 11Pea nau ‘omi ʻa e ʻulu ‘o Sioné ‘i ha laulau ‘o ‘oange ki he ta‘ahiné, pea toki ‘oange ia ‘e he ta‘ahiné ki heʻene fa‘eé.
12Pea toki omi ‘a e kau ako ‘a Sioné ‘o ‘ave hono sinó ‘o telio, pea nau ō ai ‘o fakahā kia Si̇̄sū ‘a e me‘a kuo hokó.
Ko e Fafanga ‘o e Toko Nima Afe
(Ma‘ake 6:30-44; Luke 9:10-17; Sione 6:1-14)
13Pea fanongo ‘a Si̇̄sū he talanoa ‘o kau kia Sioné, pea naʻe heka vaka ‘o folau ki ha potu lala.
Ka na‘e ‘ilo ‘e he kakai̇́ ki he‘enau folaú, ‘o nau hala ʻuta atu mei honau ngaahi koló, ke fakafetaulaki kiate ia.
14Pea ʻi he hifo atu ‘a Si̇̄sū mei he vaká naʻá ne fakatokanga‘i ʻa e fu‘u kakaí, pea ake leva ‘i hono lotó ‘ene ‘ofa lahi kiate kinautolu, ‘o ne fakamo‘ui ‘akinautolu na‘e mahamahaki̇́.
15Pea kuo efiafi hifo, naʻe omi ʻa e kau akó kia Si̇̄sū ‘o nau pehē ange, ‟Ko e feituʻu mamaʻo eni, pea kuo meimei poʻuli. Fekau ā mu‘a ‘a e kakai̇́ ke nau mātuku atu ki he ngaahi kolo ofi mai̇́ ‘o fakatau ai ha‘anau me‘akai.”
16Kae talaange ‘e Si̇̄sū, ‟‘Oua ‘e tuku ke nau ō. Mou ‘oange ‘ekimoutolu ha me‘a ke nau kai.”
17Pea nau toe pehē ange, ‟Ko ‘emau me‘a pē ‘oku ma‘u heni̇́ ko e fo‘i mā ‘e nima mo e mata‘i ika ‘e ua.” 18Pea talaange ‘e Si̇̄sū, ‟Mou ‘omi ia.” 19Pea naʻe fekau ‘a e kakai̇́ ke nau tangutu ki lalo, ka naʻe toʻo ʻa e fo‘i mā ‘e nimá mo e mata‘iika ‘e uá. Pea hanga hake ‘a Si̇̄sū ki he langi̇́ ‘o fakafeta‘i ki he ‘Otuá. Pea naʻe toki pakipaki ‘a e ngaahi fo‘i maá, ‘o ne ‘oange ki he kau akó ke nau tufa ki he kakai̇́. 20Pea na‘e kai kātoa ʻa e kakai̇́ ‘o mākona.
Pea toki tānaki ‘e he kau akó ʻa e toenga me‘akai̇́ ‘o fonu ai ha kato lalahi ‘e hongofulumāua.
21Ko e tokolahi ‘o e kakai na‘e kai̇́ ko e kakai tangata ‘e toko nima afe, tuku kehe ‘a e kakai fefiné mo e fānaú.
Ko e Hā‘ele ‘a Si̇̄sū ‘i he Fukahi Vai̇́
(Ma‘ake 6:45-52; Sione 6:15-21)
22Pea hanga ‘e Si̇̄sū ‘o fekau fakato‘oto‘o ‘ene kau akó ke nau heka vaka ‘o mu‘omu‘a ki he kauvai ‘e tahá, ka naʻe tuku ange ‘a e kakai̇́ ke nau ō.
23Pea hili ʻa e tuku ‘e Si̇̄sū ʻa e kakai̇́ ke mātukú, pea naʻe ‘alu hake toko taha pē ki ha funga moʻunga ‘o fai ai ‘ene lotu. Pea poʻuli hifó, ko Si̇̄sū toko taha pē ‘oku toe ‘i he potu ko iá. 24Pea feʻunga iá, kuo mama‘o atu ʻa e vaká he loto tahi̇́, pea kuo angi mei muʻa ʻa e matangi̇́ ‘o lieliaki ʻa e vaká ‘e he peaú.
25Pea ko e vahaʻataimi ia ‘o e hengihengi̇́ mo e maʻa ʻa e ʻahó, naʻe toki ‘alu atu ‘a Si̇̄sū ki he kau akó ‘okú naʻe hā‘ele ʻi he fukahi tahi̇́.
26Pea ʻi he‘enau sio kia Si̇̄sū ‘oku hāʻele atu he fukahi tahi̇́, naʻa nau manavahē pea nau kaikaila heʻenau manavahē, ‟Ko e fa‘ahikehe!”
27Kae folofola mai leva ‘a Si̇̄sū, ‟Mou fiemālie pē, Ko au pē; ‘Oua ‘e manavahē!”
28Pea pehē ange ‘e Pita, ‟‘Eiki, kapau moʻoni ko koe, peá ke fekau mai muʻa ke u laka atu kiate koe he fukahi tahi̇́.”
29Pea pehē mai ‘e Si̇̄sū, ‟Haʻu!” Pea hifo atu ‘a Pita ‘o kamata laka atu kia Si̇̄sū he fukahi tahi̇́. 30Ka ko e meʻa ʻi heʻene tokanga ki he mālohi ʻa e matangi̇́, naʻá ne manavahē ai, ‘o kamata ngoto. Pea naʻe kalanga atu leva kia Si̇̄sū, ‟‘Eiki ē, tokoni mai!” 31Pea ala atu leva ‘a Si̇̄sū ‘o puke hake ia, pea naʻe pehē ange, ‟‘E Pita, Ko e hā naʻe vaivai pehē ai ho‘o tui̇́? Ko e hā naʻá ke veiveiua ai̇́?”
32Pea ʻi he‘ena heka pē ki he vaká, kuo tālolo ʻa e matangi̇́ ‘o malū.
33Pea hū ai ʻa e kau akó kia Si̇̄sū, ‘o nau pehē: ‟Tā ko e mo‘oni pē, ko e ‘Alo koe ʻo e ‘Otuá.”
Ko e Fakamo‘ui Mahaki ‘a Si̇̄sū ‘i Kenesaleti
(Ma‘ake 6:53-56)
34Pea faifai pea nau tūʻuta atu ki he fonua ko Kenesaleti̇́. 35Pea ʻi he fakatokanga‘i ‘e he kakai ‘o e kolo ko iá, ʻa Si̇̄suú, naʻa nau fekau atu ki he kau mahakiʻia ‘i he feitu‘u ko iá, ke nau omi kia Si̇̄sū. 36Pea nau kole kia Si̇̄sū ke tuku ke ala ange mu‘a ‘a e kau mahakiʻiá ki he kapa ‘o hono kofú. Pea ko kinautolu kotoa pē na‘e lave kia Sīsuú, na‘á nau mo‘ui.
Currently Selected:
Mātiu 14: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.